Gold Silver Price Today: સોના ચાંદીમાં જબરો ઉછાળો, સોનું 51 તો ચાંદી 61ને પાર

News18 Gujarati
Updated: October 4, 2022, 11:26 AM IST
Gold Silver Price Today: સોના ચાંદીમાં જબરો ઉછાળો, સોનું 51 તો ચાંદી 61ને પાર
તહેવારો આવતા સોના ચીંદીમાં તગડો વધારો થઈ રહ્યો છે. હજુ એક અઠવાડિયા પહેલા 50 હજાર અંદર મળતું સોનું 51ને પાર થયું.

Gold Silver rate today 4th October: આજે સવારે 10.30 વાગ્યે એમસીએક્સ પર સોનું 0.05 ટકાના ઉછાળા સાથે 51,187 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ ચાંદી 0.63 ટકા ઉછળીને 61,297 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

  • Share this:
નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં ભારે ઉછાળો જોવા મળી રહ્યો છે. હાજર સોનાના ભાવમાં 2 ટકાનો જ્યારે હાજર ચાંદીના ભાવમાં 8 ટકાનો ઉછાળો આવ્યો છે. દશેરા-દિવાળીના તહેવારો જેમ જેમ નજીક આવી રહ્યા છે તેમ તેમ સોના ચાંદીમાં ઉછાળો જોવા મળી રહ્યો છે. સોનાના ભાવ 51 હજાર ઉપર પહોંચી ગયા છે. તો બીજી તરફ ચાંદીના ભાવમાં પણ 61 હજારથી ઉપર પહોંચી ગયા છે. આજે સવારે 10.30 વાગ્યે મલ્ટી કોમોડિટી એક્સચેન્જ (MCX) પર સોનું 0.05 ટકા ઊછળીને 51,187 રૂપિયા પ્રતિ 10 ગ્રામ અને ચાંદી 0.63 ટકા વધીને 61,297 રૂપિયા પ્રતિ કિલોગ્રામ પર ટ્રેડ થઈ રહ્યું છે. બે દિવસના ઉછાળાથી સોનું ફરી ચળકળાટ મારી રહ્યું છે. આ સાથે સોનું તેની રેકોર્ડ કિંમત (Gold record price)થી હજુ પણ ઘણું જ સસ્તું મળી રહ્યું છે. આથી જો તમારે સોનાની ખરીદી કરવી હોય તો અત્યારે પણ તમારા માટે સારો મોકો છે.

આ પણ વાંચોઃ ટીશ્યુ પેપરનો બિઝનેસ કરીને થઈ શકે લાખોની કમાણી, સરકારથી પણ મળશે મદદ

સોના-ચાંદીની કિંમત (Gold-Silver Rate)



આજે સવારે 10.30 વાગ્યે એમસીએક્સ પર ડિસેમ્બરના વાયદાનું સોનું 0.05 ટકા વધીને 51,187 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ ડિસેમ્બરના વાયદાનું ચાંદી 0.63 ટકા વધીને 61,297 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)


ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 57,191 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 51,187 રૂપિયા જોવા મળ્યું હતું. એટલે કે સોનું હજુ રેકોર્ડ કિંમતથી 6004 રૂપિયા સસ્તું મળી રહ્યું છે.આ પણ વાંચોઃ તહેવારોમાં કમરતોડ મોંઘવારીનો ઝટકો, 8-12 રુપિયા વધી શકે છે CNGના ભાવ

દેશના વિવિધ શહેરમાં આજે સોનાની કિંમત (સોર્સ- goodreturns.in)


































































































































શહેર 22 કેરેટ 24 કેરેટ
ચેન્નાઇ ₹47,750 ₹52,100
મુંબઈ ₹47,350 ₹51,660
દિલ્હી ₹47,500 ₹51,820
કોલકાતા ₹47,350 ₹51,660
બેંગલુરુ ₹47,400 ₹51,710
હૈદરાબાદ ₹47,350 ₹51,660
કેરળ ₹47,350 ₹51,660
પુણે ₹47,380 ₹51,690
વડોદરા ₹47,380 ₹51,690
અમદાવાદ ₹47,400 ₹51,710
જયપુર ₹47,500 ₹51,820
લખનઉ ₹47,500 ₹51,820
કોઈમ્બતુર ₹47,750 ₹52,100
મદુરાઈ ₹47,750 ₹52,100
વિજયવાડા ₹47,350 ₹51,660
પટના ₹47,380 ₹51,690
નાગપુર ₹47,380 ₹51,690
ચંદીગઢ ₹47,500 ₹51,820
સુરત ₹47,400 ₹51,710
ભુવનેશ્વર ₹47,350 ₹51,660
મેંગલોર ₹47,400 ₹51,710
વિશાખાપટ્ટનમ ₹47,350 ₹51,660
નાશિક ₹47,380 ₹51,690
મૈસુર ₹47,400 ₹51,710

સોનાની શુદ્ધતાના માપદંડ


24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ વડોદરા રાજપરિવારની આ કંપનીએ શેરબજારમાં ધમાલ મચાવી, 4 મહિનામાં રુ.1 લાખને 45 લાખ કરી આપ્યા

આ રીતે સોનાની શુદ્ધતા ચકાસો


જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.


મિસ્ડ કૉલ કરીને જાણો સોનાનો ભાવ


નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.

(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)
Published by: Mitesh Purohit
First published: October 4, 2022, 10:46 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading