Cyclone Asani : તોફાન અસાની વચ્ચે દરિયામાંથી મળ્યો 'Golden chariot', જોવા લોકોની ભીડ જામી

News18 Gujarati
Updated: May 11, 2022, 11:19 AM IST
Cyclone Asani : તોફાન અસાની વચ્ચે દરિયામાંથી મળ્યો 'Golden chariot', જોવા લોકોની ભીડ જામી
તોફાન અસાની વચ્ચે દરિયામાંથી મળ્યો Golden chariot

Mysterious Gold colored Chariot found : દરિયામાં વહેતા રથને સ્થાનિક ગ્રામજનો દોરડાથી બાંધીને કિનારે લઈ ગયા હતા. રથનો આકાર દક્ષિણપૂર્વ એશિયાના દેશોના મઠ જેવો છે. ચક્રવાત આસાનીની અસરને કારણે રથ ભટક્યા બાદ અહીં પહોંચ્યો હોય તેવો અંદાજ છે.

  • Share this:
આંધ્રપ્રદેશના (Andhra Pradesh) શ્રીકાકુલમમાં સુન્નાપલ્લી સી હાર્બર ખાતે ચક્રવાતી તોફાન અસાની વચ્ચે સોનાના રંગનો રથ મળ્યો છે. જણાવવામાં આવી રહ્યું છે કે મંગળવારે સાંજે સુવર્ણ રંગથી ઢંકાયેલો (Golden chariot) એક સુંદર રથ અહીં વહેતો આવ્યો હતો. આ રથ મ્યાનમાર, મલેશિયા અથવા થાઈલેન્ડથી વહીને અહીં પહોંચશે તેવું કહેવાય છે. જો કે, સંતબોમાલી તહસીલદાર જે ચલમૈયાએ કહ્યું કે તે અન્ય કોઈ દેશમાંથી આવ્યો ન હોઈ શકે. તેણે કહ્યું કે રથનો ઉપયોગ ભારતીય દરિયાકાંઠે ક્યાંક ફિલ્મ શૂટ કરવા માટે થયેલો હોવો જોઈએ. પરંતુ ઉચ્ચ ભરતી પ્રવૃત્તિ તેને શ્રીકાકુલમ કિનારે લાવી.  નૌપાડાના એસઆઈએ કહ્યું કે તે કોઈ અન્ય દેશમાંથી આવ્યો હોઈ શકે છે. અમે ઈન્ટેલિજન્સ અને ઉચ્ચ અધિકારીઓને જાણ કરી છે.

આ પણ વાંચો -વીજળીની ઝડપે વેઈટ્રેસે બોટલનું ખોલ્યું ઢાકણ! વીડિયો જોઈને નહિ કરી શકો વિશ્વાસ


દરિયામાં વહેતા રથને સ્થાનિક ગ્રામજનો દોરડાથી બાંધીને કિનારે લઈ ગયા હતા. રથનો આકાર દક્ષિણપૂર્વ એશિયાના દેશોના મઠ જેવો છે. ચક્રવાત આસાનીની અસરને કારણે રથ ભટક્યા બાદ અહીં પહોંચ્યો હોય તેવો અંદાજ છે. દક્ષિણ આંદામાન સમુદ્ર પર નીચા દબાણનો વિસ્તાર સૌપ્રથમ રચાયો હોવાથી અનુમાન લગાવવામાં આવી રહ્યું છે કે આ રથ મ્યાનમાર, થાઈલેન્ડ, મલેશિયા અથવા ઈન્ડોનેશિયા જેવા આંદામાન સમુદ્રની નજીકના કોઈ દેશનો હોઈ શકે છે.

આ પણ વાંચો -World’s First Space Hotel: હવે અંતરિક્ષમાં માણી શકશો વેકેશન! 2025માં શરુ થવા જઈ રહી છે પહેલી સ્પેસ હોટેલ

ચક્રવાતી તોફાન આસાનીનો ખતરો હાલ પૂરતો ટળી રહ્યો છે. અત્યારે તેની દિશા આંધ્ર પ્રદેશ તરફ છે. આ વાવાઝોડું 12 મે સુધીમાં સંપૂર્ણપણે નબળું પડી જવાની ધારણા છે. જો કે, તેની અસરને કારણે આંધ્રપ્રદેશ સહિત બિહાર, ઝારખંડ, છત્તીસગઢમાં 11 થી 13 મે દરમિયાન વરસાદ અને તોફાની પવન માટે એલર્ટ જાહેર કરવામાં આવ્યું છે. આંધ્રપ્રદેશમાં પવન 100 કિમી પ્રતિ કલાકની ઝડપે પહોંચી શકે છે. વિશેષ રાહત કમિશનર, ભુવનેશ્વર, ઓડિશા પ્રદીપ કુમાર જેના અનુસાર, આંધ્ર પ્રદેશના કાકીનાડા પહોંચ્યા પછી, તોફાન વિશાખાપટ્ટનમ પહોંચ્યા પછી ફરી સમુદ્રમાં જોડાશે. આ દરમિયાન તે નબળી પડી જશે. 12 મેની સવારે ચક્રવાત સંપૂર્ણપણે નબળું પડી જશે.
Published by: Bhavyata Gadkari
First published: May 11, 2022, 11:19 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading