નવી દિલ્હીઃ હવે જ્યારે પણ તમે બાસમતી ચોખા (Basmati Rice) ખરીદો તો તેની બોરીને ફેંકી ન દેતા, તેને બદલે એને ટ્રેન્ડી ટોટ બેગ (Trendy Bag) બનાવો અને ઓનલાઇન સેલ કરી દો. સાંભળવામાં ભલે તમને અજબ-ગજબ જેવું લાગતું હોય પરંતુ વિદેશમાં ચોખાની બોરી (Basmati Rice Tote Bags) ને પણ હજારો રૂપિયામાં વેચવામાં આવી રહી છે. માઇક્રોબ્લોગિંગ પ્લેટફોર્મ પર હજારો લોકો એ જાણીને દંગ રહી ગયા છે કે ‘બાસમતી ચોખાની બોરી’ હકીકતમાં હોય છે.
બાસમતી ચોખાની બોરી ગત સપ્તાહે લોકોના ધ્યાનમાં આવી જ્યારે એક ટ્વિટર યૂઝરે બાસમતી ચોખાની બોરીની તસવીર શૅર કરતાં લખ્યું કે, મને વિશ્વાસ નથી થઈ રહ્યો કે આ હકીકત છે. જો કે બિલકુલ એવું લાગે છે કે બોરીમાંથી ચોખા કાઢીને તેને વેચવામાં આવી રહી છે.
ભૂરા રંગની બોરી, જે એક સમયે હિમાલયની તળેટીથી સીધી બાસમતી ચોખાના 10 પાઉન્ડ (4.5 કિલોગ્રામ)ના ઉપયોગ કરતી હતી, ને હવે એક બેગ બનાવવા માટે ઝિપની સાથે ફિટ કરવામાં આવી છે. ટ્વિટર પર શૅર કરવામાં આવેલી તસવીર મુજબ, આ બાસમતી ચોખાની બોરીની કિંમત 15 ડૉલર (લગભગ 1100 રૂપિયા) છે.
આ ટ્વિટને 5 સપ્ટેમ્બરે શૅર કરવામાં આવ્યું હતું, જેને અત્યાર સુધી 74 હજારથી વધુ લાઇક્સ મળી ચૂક્યા છે. સાથોસાથ 9 હજારથી વધુ રિ-ટ્વિટ અને 300થી વધુ રિએક્શન મળી ચૂક્યા છે. અનેક લોકોએ તેને રિસાઇકલ કરવાની સૌથી ઉત્તમ પદ્ધતિ ગણાવી છે તો કેટલાકે તેને છેતરપિંડી ગણાવી છે.
