IPL 2022: મેચ પહેલા દિનેશ કાર્તિકને મળ્યો હતો ખાસ સંદેશ, જોડિયા બાળકો સાથે વાત કરી અને પછી...

IPLની વર્તમાન સિઝનમાં દિનેશ કાર્તિક (Dinesh karthik) શાનદાર ફોર્મમાં ચાલી રહ્યો છે. આ સાથે જ તેણે ઓસ્ટ્રેલિયામાં આ વર્ષે યોજાનાર ટી-20 વર્લ્ડ (T20 World Cup) કપ માટે પણ પોતાનો દાવો રજૂ કર્યો છે. દિલ્હી કેપિટલ્સ સામે આક્રમક ઈનિંગ રમ્યા બાદ તેણે કહ્યું કે તે ફરીથી ટીમ ઈન્ડિયા (Team India) માટે રમવા માંગે છે. શનિવારે IPL 2022 ની એક મેચમાં તેણે દિલ્હી કેપિટલ્સ સામે 34 બોલમાં અણનમ 66 રનની વિસ્ફોટક ઇનિંગ રમી હતી. તેની ઇનિંગ્સના આધારે આરસીબી (RCB)એ આ મેચ પણ જીતી લીધી હતી. ટીમની 6 મેચમાં આ ચોથી જીત છે.

આ દરમિયાન દિનેશ કાર્તિકની પત્ની અને સ્ક્વોશ ખેલાડી દીપિકા પલ્લીકલે સોશિયલ મીડિયા પર તેની ઇનિંગ્સ વિશે એક ખાસ નોંધ લખી છે. તેણે કહ્યું કે દિનેશ કાર્તિકે મેચ પહેલા જોડિયા પુત્રો સાથે વાત કરી હતી અને બંનેએ તેને શુભકામનાઓ પણ પાઠવી હતી. તે જાણીતું છે કે ભારતીય ક્રિકેટર કાર્તિકના પુત્રોના નામ કબીર અને જિયાન છે. ગયા વર્ષે ઓક્ટોબરમાં તેમનો જન્મ થયો હતો અને હવે તે માત્ર 6 મહિનાના છે. IPLની હરાજીમાં આ વિકેટ કીપર બેટ્સમેનને RCBએ 5.50 કરોડ રૂપિયામાં ખરીદ્યો હતો.



210 નો સ્ટ્રાઈકર રેટ

36 વર્ષીય દિનેશ કાર્તિકે IPL 2022ની 6 ઇનિંગ્સમાં 197ની એવરેજથી 197 રન બનાવ્યા છે. સ્ટ્રાઈક રેટ 210 છે, જે ઘણો સારો છે. તેણે અત્યાર સુધી 94 બોલનો સામનો કર્યો છે. જેમાં 18 ફોર અને 14 સિક્સર ફટકારી છે. એટલે કે તેણે બાઉન્ડ્રીથી 156 રન જ બન્યા છે. જ્યારે તે દિલ્હી સામે બેટિંગ કરવા આવ્યો ત્યારે ટીમ 5 વિકેટના નુકસાન પર 92 રન બનાવીને સંઘર્ષ કરી રહી હતી. તેની ઇનિંગ્સના આધારે ટીમ 5 વિકેટે 189 રન બનાવી શકી હતી. જેના જવાબમાં દિલ્હીની ટીમ 173 રન જ બનાવી શકી હતી.

આ પણ વાંચો- PBKS vs SRH: ઉમરાન મલિકની શાનદાર બોલિંગ, 20મી ઓવરમાં એક પણ રન ન આપ્યો, 4 વિકેટ લીધી
દિનેશ કાર્તિકે ટીમ ઈન્ડિયા માટે છેલ્લી ટી-20 ઈન્ટરનેશનલ મેચ 3 વર્ષ પહેલા ફેબ્રુઆરી 2019માં રમી હતી. પરંતુ IPLની વર્તમાન સિઝનમાં તેણે શાનદાર બેટિંગ કરીને પોતાનો દાવો રજૂ કર્યો છે. તેણે એકંદર ટી-20 કારકિર્દીની 333 મેચોમાં 28ની સરેરાશથી 6480 રન બનાવ્યા છે. 31 અડધી સદી ફટકારી છે. તેનો સ્ટ્રાઈક રેટ 135 છે.