IPL 2022: રવિન્દ્ર જાડેજાને બેવડો ફટકો, કેપ્ટનશીપ બાદ હવે લીગમાંથી પણ OUT

News18 Gujarati
Updated: May 11, 2022, 10:52 PM IST
IPL 2022: રવિન્દ્ર જાડેજાને બેવડો ફટકો, કેપ્ટનશીપ બાદ હવે લીગમાંથી પણ OUT
IPL 2022: રવિન્દ્ર જાડેજા ઈજાના કારણે IPLમાંથી બહાર થઈ શકે છે. (પીટીઆઈ)

IPL 2022 જાડેજા માટે સારું રહ્યું નથી. તેણે અત્યાર સુધી રમાયેલી 10 મેચમાં 5 વિકેટ સાથે 116 રન બનાવ્યા છે. IPL શરૂ થવાના 2 દિવસ પહેલા તેને ટીમનો કેપ્ટન બનાવવામાં આવ્યો હતો અને તેની કેપ્ટનશિપની શરૂઆત સારી રહી ન હતી. ચેન્નાઈ સુપર કિંગ્સ સતત 4 મેચ હારી છે. 8 મેચમાં કેપ્ટનશીપ કર્યા બાદ ઓલરાઉન્ડ દબાણને કારણે તેણે કેપ્ટનશીપ અધવચ્ચે જ છોડી દીધી હતી.

  • Share this:
મુંબઈ ઈન્ડિયન્સ સામેની મેચ પહેલા ચેન્નાઈ સુપર કિંગ્સ (Chennai Super Kings)ને મોટો ઝટકો લાગ્યો છે. CSKનો અનુભવી ઓલરાઉન્ડર રવિન્દ્ર જાડેજા (Ravindra Jadeja out of IPL 2022) ઈજાના કારણે આઈપીએલ 2022માંથી બહાર થઈ ગયો છે. સીએસકે (CSK) 12મી મેના રોજ તેની 12મી મેચમાં મુંબઈ ઈન્ડિયન્સનો સામનો કરવાનો છે. IPLની આ સિઝનમાં જાડેજા બેટિંગ, બોલિંગ અને ફિલ્ડિંગમાં ખરાબ રીતે ફ્લોપ રહ્યો છે.

પીટીઆઈના જણાવ્યા અનુસાર ચેન્નાઈ સુપર કિંગ્સના સીઈઓ કાશી વિશ્વનાથને જાડેજાની બહાર નીકળવાની પુષ્ટિ કરી છે. આઈપીએલની 15મી સિઝનની શરૂઆત પહેલા જાડેજાને CSKના કેપ્ટન તરીકે જાહેર કરવામાં આવ્યો હતો. જાડેજાની કપ્તાનીમાં CSKને ઘણી મેચોમાં હારનો સામનો કરવો પડ્યો હતો. જોકે, બાદમાં જાડેજાએ મહેન્દ્ર સિંહ ધોનીને કેપ્ટનશિપ સોંપી દીધી હતી.

અત્યાર સુધી ચેન્નાઈ સુપર કિંગ્સ (Chennai Super Kings) માટે આઇપીએલ (IPL 2022) સારું રહ્યું નથી. એક તરફ ટીમ હારતી રહી તો બીજી તરફ ટીમ (CSK)ના ખેલાડીઓ એક પછી એક ઈજાગ્રસ્ત થઈ રહ્યા છે. દીપક ચાહર ઈજાના કારણે આખી સિઝનમાંથી બહાર થઈ ગયો હતો અને હવે એવા જ સમાચાર રવિન્દ્ર જાડેજા વિશે પણ આવી રહ્યા છે. જાડેજા ઘાયલ છે (Ravindra jadeja injury). સમાચાર અનુસાર CSKનો આ ઓલરાઉન્ડર હવે બાકીની મેચો નહીં રમે અને ટૂર્નામેન્ટમાંથી બહાર થઈ ગયો છે. જણાવી દઈએ કે રવિન્દ્ર જાડેજા દિલ્હી કેપિટલ્સ સામે છેલ્લી મેચ રમ્યો ન હતો. રિપોર્ટ્સ અનુસાર રોયલ ચેલેન્જર્સ બેંગ્લોર સામેની મેચમાં ફિલ્ડિંગ કરતી વખતે તેને હાથમાં ઈજા થઈ હતી.

આ પહેલા જાડેજાએ ચેન્નાઈ સુપર કિંગ્સના ખરાબ પ્રદર્શનના કારણે અધવચ્ચે જ કેપ્ટન્સી છોડવી પડી હતી. તેની જગ્યાએ મહેન્દ્ર સિંહ ધોનીને ટીમનો કેપ્ટન બનાવવામાં આવ્યો હતો. તેની કેપ્ટનશીપ બાદ ટીમે દિલ્હી કેપિટલ્સને હરાવ્યું હતું.

ચેન્નાઈ સુપર કિંગ્સે હવે IPL 2022માં વધુ ત્રણ મેચ રમવાની છે. તેણે પ્લેઓફની આશા જીવંત રાખવા માટે આ ત્રણેય મેચો કોઈપણ ભોગે જીતવી પડશે. ત્યાં જ એવી અપેક્ષા પણ રાખવી પડશે કે RCB અને રાજસ્થાન રોયલ્સ તેમની બાકીની મેચો હારી જશે. જો કે તેની અપેક્ષા ઘણી ઓછી છે.

આ પણ વાંચો-IPL 2022: ગુજરાત ટાઇટન્સના બેટ્સમેને ટ્રોલર્સને કાચબો અને સસલાનું ઇમોજી દેખાડી આપ્યો જવાબટાઈમ્સ ઓફ ઈન્ડિયાના અહેવાલ મુજબ, રવિન્દ્ર જાડેજાની ઈજા પર છેલ્લા કેટલાક દિવસોથી સતત નજર રાખવામાં આવી રહી છે. પણ બહુ સુધારો થયો નથી. આવી સ્થિતિમાં CSK જાડેજાને રમવાનું જોખમ લેવા માંગશે નહીં કારણ કે ચેન્નાઈની પ્લેઓફમાં પહોંચવાની શક્યતા ઘણી ઓછી છે.

IPL 2022 જાડેજા માટે સારું રહ્યું નથી. તેણે અત્યાર સુધી રમાયેલી 10 મેચમાં 5 વિકેટ સાથે 116 રન બનાવ્યા છે. IPL શરૂ થવાના 2 દિવસ પહેલા તેને ટીમનો કેપ્ટન બનાવવામાં આવ્યો હતો અને તેની કેપ્ટનશિપની શરૂઆત સારી રહી ન હતી. ચેન્નાઈ સુપર કિંગ્સ સતત 4 મેચ હારી છે. 8 મેચમાં કેપ્ટનશીપ કર્યા બાદ ઓલરાઉન્ડ દબાણને કારણે તેણે કેપ્ટનશીપ અધવચ્ચે જ છોડી દીધી હતી. તેના પછી ધોનીને ટીમનો કેપ્ટન બનાવવામાં આવ્યો છે. તેના નેતૃત્વમાં ચેન્નાઈએ ત્રણમાંથી 2 મેચ જીતી હતી.

આ પણ વાંચો- IPL 2022: નાનકડા સ્કોરમાં પણ હાર્દિક પંડ્યાને જીતનો વિશ્વાસ હતો, જાણો લખનૌને કેમ ઓછું આંકવામાં આવ્યું

જો જાડેજા આઈપીએલમાંથી બહાર છે તો આ બ્રેક તેના માટે સારો રહેશે. કારણ કે ભારતીય ટીમે જૂનમાં દક્ષિણ આફ્રિકા માટે 5 ટી-20 મેચોની શ્રેણી રમવાની છે અને તે પછી ઈંગ્લેન્ડના પ્રવાસે જવાની છે. આવી સ્થિતિમાં ઈજામાંથી બહાર આવીને જાડેજા પોતાનું ખોવાયેલું ફોર્મ પાછું મેળવવા માટે સખત મહેનત કરી શકે છે. IPL 2022માં જાડેજાના ખરાબ પ્રદર્શન બાદ ઓસ્ટ્રેલિયામાં આ વર્ષે યોજાનાર ટી-20 વર્લ્ડ કપની ટીમમાં તેના સ્થાનને લઈને સવાલો ઉભા થઈ રહ્યા છે.
Published by: rakesh parmar
First published: May 11, 2022, 6:07 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading