IPL Qualifier and Eliminator: પોઈન્ટ ટેબલમાં ટોપ-2માં રહેલી ટીમો જ ક્વોલિફાયર-1 (Advance to Qualifier 1) તરીકે ક્વોલિફાય થાય છે. જ્યારે ત્રીજા અને ચોથા સ્થાને રહેલી ટીમો એલિમિનેટર મેચ (Advance to Eliminator) માટે ક્વોલિફાય થાય છે.
આઇપીએલ (IPL 2022) માં આજનો દિવસ ઐતિહાસિક બનવા જઈ રહ્યો છે. આજે એટલે કે 10 મેના રોજ લખનૌ સુપરજાયન્ટ્સ અને ગુજરાત ટાઇટન્સ (LSG vs GT) વચ્ચે ટકકર થવાની છે. આ બંને ટીમ શાનદાર ફોર્મમાં છે. બંને 8-8 મેચ જીતીને પોઈન્ટ ટેબલમાં ટોચ પર છે. આજે જ્યારે આ ટીમો સામસામે આવશે ત્યારે તેમની નજર ક્વોલિફાયર પર રહેશે. આજે જે પણ ટીમ જીતશે તેના લીગમાં 18 પોઈન્ટ હશે, જે ક્વોલિફાયર-1 બનવા માટે પૂરતા હશે. લખનૌ સુપર જાયન્ટ્સ (Lucknow Super Giants) અને ગુજરાત ટાઇટન્સ (Gujarat Titans) બંને પ્રથમ વખત IPLમાં જોડાઈ રહ્યાં છે. આવી સ્થિતિમાં તેની પાસે તેની પહેલી જ ટુર્નામેન્ટમાં ક્વોલિફાયર-1 રમીને ઈતિહાસ રચવાની તક પણ છે.
ઈન્ડિયન પ્રીમિયર લીગ એટલે કે આઈપીએલની વર્તમાન સિઝનમાં પ્લેઓફની લડાઈ ચરમસીમાએ છે. દરેક લડાઈ કરો યા મરો જેવી બની ગઈ છે અને એક યા બીજી જીત સાથે સમીકરણો બદલાઈ રહ્યા છે. પરંતુ તમામ ટીમો માટે આવું નથી. લખનૌ સુપરજાયન્ટ્સ અને ગુજરાત ટાઇટન્સે તેમની 11માંથી 8 મેચ જીતીને પ્લેઓફમાં પોતાનું સ્થાન લગભગ નિશ્ચિત કરી લીધું છે. માત્ર ચમત્કારિક પ્રદર્શન જ આ ટીમોને પ્લેઓફ રમવાથી રોકી શકે છે. આ જ કારણ છે કે હવે આ બંને ટીમોની નજર ટોપ-2 પર થોભી ગઈ છે.
પોઈન્ટ ટેબલમાં ટોપ-2માં રહેલી ટીમો જ ક્વોલિફાયર-1 (Advance to Qualifier 1) તરીકે ક્વોલિફાય થાય છે. જ્યારે ત્રીજા અને ચોથા સ્થાને રહેલી ટીમો એલિમિનેટર મેચ (Advance to Eliminator) માટે ક્વોલિફાય થાય છે.
લીગ મેચો પછી ક્વોલિફાયર-1 મેચ ટોપ-2 ટીમો વચ્ચે રમાય છે. જે ટીમ આ મેચ જીતશે તે ફાઇનલમાં પ્રવેશ કરશે. જ્યારે હારનાર ટીમને ફાઇનલમાં જવાની બીજી તક મળે છે. તે એલિમિનેટર મેચ જીતનાર ટીમ સામે ક્વોલિફાયર-2 નામની બીજી મેચ રમે છે. ક્વોલિફાયર-2નો વિજેતા ફાઇનલમાં પ્રવેશ કરે છે.
આ પણ વાંચો- રાજકોટ : સિંહ કૂતરાની દોસ્તીનો વીડિયો થઇ રહ્યો છે વાયરલ, તમે પણ થઇ જશો આશ્ચર્યચકિતઆઈપીએલ અગાઉ કોઈપણ અન્ય ટુર્નામેન્ટની જેમ સેમીફાઈનલ અને ફાઈનલના ફોર્મેટમાં રમાતી હતી. પરંતુ બાદમાં તેને વધુ સ્પર્ધાત્મક બનાવવા માટે ક્વોલિફાયર, એલિમિનેટર અને ફાઈનલના ફોર્મેટમાં ફેરફાર કરવામાં આવ્યો હતો. જેના કારણે ટોપ-4ને બદલે ટોપ-2માં આવવા માટે ટીમો વચ્ચે સ્પર્ધા ચાલી રહી છે. જેના કારણે ટુર્નામેન્ટની છેલ્લી લીગ મેચ સુધી મેચો રસપ્રદ બની રહે છે.
ક્વોલિફાયર-એલિમિનેટર ફોર્મેટની જરૂર કેમ છે
જ્યારે ટુર્નામેન્ટમાં સંખ્યાબંધ મેચો રમાય છે, ત્યારે ક્યારેક એક કે બે ટીમો તેમની શરૂઆતની મેચો જીતી લે છે અને ઝડપથી ટોપ-4 માટે ક્વોલિફાય થાય છે. આ સ્થિતિ IPLની વર્તમાન સિઝનમાં જ જોવા મળી રહી છે. ઘણી વખત જે ટીમો સેમિ-ફાઇનલ અથવા ટોપ-4 માટે વહેલી ક્વોલિફાય થાય છે તે તેમના સ્ટાર ખેલાડીઓને બાકીની લીગ મેચોમાં આરામ આપે છે અથવા ક્યારેક તેઓ જાણી જોઈને મેચ હારી જાય છે જેથી તેઓ સેમિ-ફાઇનલમાં તેઓને જોઈતી ટીમ મેળવી શકે. ક્વોલિફાયર-એલિમીનેટર ફોર્મેટ આવી પરિસ્થિતિને રોકવા માટે જ ઉપયોગી છે. આ સાથે ટીમો ટોપ-4માં નહીં પણ ટોપ-2માં જવાનો પ્રયાસ કરે છે અને અંત સુધીની મેચો રસપ્રદ બની રહે છે.
