IPL 2022: RR vs DC મેચમાં પિચથી કોને મળશે મદદ? જાણો કેવું રહેશે આજની મેચમાં હવામાન

News18 Gujarati
Updated: May 11, 2022, 4:11 PM IST
IPL 2022: RR vs DC મેચમાં પિચથી કોને મળશે મદદ? જાણો કેવું રહેશે આજની મેચમાં હવામાન
IPL 2022માં આજે રાજસ્થાન રોયલ્સ અને દિલ્હી કેપિટલ્સ વચ્ચે મુકાબલો થશે. જાણો મેચ દરમિયાન પિચ અને હવામાન કેવું રહેશે? (ઇન્સ્ટાગ્રામ)

IPL 2022: IPL 2022 ની 17 મેચ નવી મુંબઈના ડીવાય પાટિલ સ્ટેડિયમમાં રમાઈ છે. જેમાં 8 મેચમાં રનનો પીછો કરનારી ટીમ અને 9માં પ્રથમ બેટિંગ કરનાર ટીમ જીતી છે. એટલે કે ફિફ્ટી-ફિફ્ટીની રમત છે. પહેલા અને પછી બંને રીતે બેટિંગ કરીને ટીમોએ અહીં જીત મેળવી છે.

  • Share this:
આઇપીએલ (IPL 2022) ની 58મી મેચમાં આજે સાંજે 7.30 વાગ્યે નવી મુંબઈના ડીવાય પાટિલ સ્ટેડિયમમાં રાજસ્થાન રોયલ્સ અને દિલ્હી કેપિટલ્સ (Rajasthan Royals vs Delhi Capitals) વચ્ચે મુકાબલો થશે. આઇપીએલ 2022ના પોઈન્ટ ટેબલમાં રાજસ્થાન રોયલ્સ (Rajasthan Royals)ની ટીમ હાલમાં ત્રીજા સ્થાને છે. ત્યાં જ દિલ્હી કેપિટલ્સ પાંચમા નંબર પર છે. રાજસ્થાનના 11 મેચમાં 7 જીત સાથે 14 પોઈન્ટ છે. ત્યાં જ દિલ્હીના પણ એટલી જ મેચોમાં 10 પોઈન્ટ છે. આવી સ્થિતિમાં જો દિલ્હીને પ્લેઓફમાં જગ્યા બનાવવી હોય તો તેને આગામી ત્રણ મેચ કોઈપણ ભોગે જીતવી પડશે. આ સાથે જ રાજસ્થાનને પ્લેઓફમાં પહોંચવા માટે બાકીની 3 મેચમાંથી 2 મેચ જીતવી પડશે.

રાજસ્થાન રોયલ્સે તેની છેલ્લી મેચમાં પંજાબ કિંગ્સને 6 વિકેટથી હરાવ્યું હતું અને તેઓ દિલ્હી સામે જીતનો આ જ ક્રમ જાળવી રાખવા માંગશે. ત્યાં જ દિલ્હીની ટીમને છેલ્લી મેચમાં મહેન્દ્ર સિંહ ધોનીની ચેન્નાઈ સુપર કિંગ્સ સામે 91 રનથી હારનો સામનો કરવો પડ્યો હતો. દિલ્હીનો પ્રયાસ જીત નોંધાવીને ફરી ગતિ મેળવવાનો રહેશે. શું આ મેચ દરમિયાન ડીવાય પાટિલ સ્ટેડિયમની પીચથી બોલરો કે બેટ્સમેનોને ફાયદો થશે? અને હવામાનનું મૂડ કેવું રહેશે, તે અમે તમને જણાવી રહ્યા છીએ.

આ પણ વાંચો- IPL 2022 માં ખરાબ પ્રદર્શન બાદ પસંદગીકારો વિરાટ કોહલી સાથે વાત કરશે, ટીમ ઈન્ડિયામાંથી શું મળશે રજા?

પીચનો મૂડ કેવો રહેશે?

IPL 2022 ની 17 મેચ નવી મુંબઈના ડીવાય પાટિલ સ્ટેડિયમમાં રમાઈ છે. જેમાં 8 મેચમાં રનનો પીછો કરનારી ટીમ અને 9માં પ્રથમ બેટિંગ કરનાર ટીમ જીતી છે. એટલે કે ફિફ્ટી-ફિફ્ટીની રમત છે. પહેલા અને પછી બંને રીતે બેટિંગ કરીને ટીમોએ અહીં જીત મેળવી છે. આ મેદાન પર છેલ્લી મેચ કોલકાતા નાઈટ રાઈડર્સ અને મુંબઈ ઈન્ડિયન્સ વચ્ચે રમાઈ હતી. જેમાં કેકેઆરનો 52 રને વિજય થયો હતો. ડીવાય પાટિલ સ્ટેડિયમની પીચ પર ઝડપી બોલરોને શરૂઆતમાં મદદ મળે છે. આવી સ્થિતિમાં સ્પર્ધા ખૂબ જ રોમાંચક થવાની આશા છે.

આ પણ વાંચો- Jacqueline Fernandez Petition : જેકલીન ફર્નાન્ડિઝે વિદેશ જવાની પરવાનગી માંગવા દિલ્હી કોર્ટમાં અરજી કરીજાણો કેવું રહેશે હવામાન?

રાજસ્થાન રોયલ્સ અને દિલ્હી કેપિટલ્સ વચ્ચે સાંજે 7.30 વાગ્યાથી મેચ રમાશે. જો કે મેચ રાત્રે રમાશે. પરંતુ ખેલાડીઓએ ભેજનો સામનો કરવો પડશે. અક્યુવેદર ડોટ કોમના અનુસાર, બપોરે અહીં તાપમાન 31 ડિગ્રીની આસપાસ રહેશે. સાંજે તાપમાન 29 ડિગ્રી સેલ્સિયસ સુધી ઘટી શકે છે. જો કે ભેજનું પ્રમાણ 75 ટકા રહેશે. એટલે કે ખેલાડીઓને ઘણો પરસેવો થશે. આવી સ્થિતિમાં ફાસ્ટ બોલરો માટે મુશ્કેલી વધવાની બાબત ચોક્કસપણે છે. પવનની ઝડપ 32 કિમી પ્રતિ કલાક રહેશે. આવી સ્થિતિમાં ખેલાડીઓને ચોક્કસ રાહત મળશે. ઝાકળની અસર વધુ નહીં થાય.
Published by: rakesh parmar
First published: May 11, 2022, 4:11 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading