DC vs RCB મેચ પહેલા વાનખેડે સ્ટેડિયમના સિક્યુરિટી ઈન્ચાર્જનું મોત, જાણો શું છે સમગ્ર મામલો

News18 Gujarati
Updated: April 18, 2022, 5:47 PM IST
DC vs RCB મેચ પહેલા વાનખેડે સ્ટેડિયમના સિક્યુરિટી ઈન્ચાર્જનું મોત, જાણો શું છે સમગ્ર મામલો
DC અને RCB મેચ પહેલા વાનખેડે સ્ટેડિયમના સિક્યોરિટી ઈન્ચાર્જનું મોત થઈ ગયું હતું. (પીટીઆઈ)

IPL 2022: મુંબઈ પોલીસના નિવૃત્ત એસીપી અબ્દુલ બેગના અવસાનથી મુંબઈ ક્રિકેટ એસોસિએશનનું મેનેજમેન્ટ હચમચી ગયું છે. એમસીએના એક્ઝિક્યુટિવ સેક્રેટરી સીએસ નાઈકે મિડ ડે સાથે વાત કરતા કહ્યું કે, આ એકદમ ચોંકાવનારું છે. અમે એક દિવસ પહેલા મળ્યા હતા. હું માની શકતો નથી કે અબ્દુલ બેગ હવે આપણી વચ્ચે નથી રહ્યા.

  • Share this:
ગત શનિવારે વાનખેડે ક્રિકેટ સ્ટેડિયમ (Wankhede Stadium)ના 11 વર્ષમાં પ્રથમ વખત અબ્દુલ બેગ (Abdul Baig) મેદાનના પોલી ઉમરીગર અને વિનુ માંકડ ગેટ પર જોવા મળ્યા ન હતા. 69 વર્ષીય બેગનું શુક્રવારે તેમના નિવાસસ્થાને હૃદયરોગના હુમલાથી અવસાન થયું હતું. દિલ્હી કેપિટલ્સ અને રોયલ ચેલેન્જર્સ બેંગ્લોર (Royal Challengers Bangalore) વચ્ચેની શનિવારની મેચની પૂર્વસંધ્યાએ સુરક્ષા વ્યવસ્થાની દેખરેખ માટે તેઓ એમસીએ ઓફિસ જવા રવાના થઈ રહ્યા હતા ત્યારે તેમનું મૃત્યુ થયું હતું. અબ્દુલ બેગ 11 વર્ષ સુધી વાનખેડે સ્ટેડિયમના સુરક્ષા પ્રભારી હતા.

મુંબઈ પોલીસના નિવૃત્ત એસીપી અબ્દુલ બેગના અવસાનથી મુંબઈ ક્રિકેટ એસોસિએશનનું મેનેજમેન્ટ હચમચી ગયું છે. એમસીએના એક્ઝિક્યુટિવ સેક્રેટરી સીએસ નાઈકે મિડ ડે સાથે વાત કરતા કહ્યું કે, આ એકદમ ચોંકાવનારું છે. અમે એક દિવસ પહેલા મળ્યા હતા. હું માની શકતો નથી કે અબ્દુલ બેગ હવે આપણી વચ્ચે નથી રહ્યા.

આ પણ વાંચો- IPL 2022: દિલ્હી કેપિટલ્સનો ખેલાડી કોરોના સંક્રમિત, આખી ટીમ ક્વોરેન્ટાઈન, પુણે જવાનું પણ મોકૂફ!


2011થી સુરક્ષાનો હવાલો સંભાળતા હતા

સીએસ નાઈકે વધુમાં કહ્યું કે, હું તેમને 2011 ક્રિકેટ વર્લ્ડ કપથી ઓળખું છું. ત્યારથી તે વાનખેડે સ્ટેડિયમના સુરક્ષા પ્રભારી હતા. તેઓ સારા વ્યક્તિત્વના માણસ હતા. હું તેને ઘણીવાર માઉન્ટ આબુ કહીને બોલાવતો હતો. કારણ કે તે ખૂબ જ ઉંચો હતો અને તેનું પહેલું નામ અબુ હતું. તેમણે વધુમાં કહ્યું કે, જ્યારે પણ વાનખેડે ખાતે કોઈ ઈન્ટરનેશનલ કે આઈપીએલ મેચ હોય ત્યારે તેને હંમેશા યાદ કરવામાં આવશે. હું તેમને મારા મિત્ર અને શુભેચ્છક તરીકે હંમેશા યાદ રાખીશ. તે ખૂબ જ પ્રામાણિક અને મહેનતુ હતા. જ્યારે તેઓ પ્રભારી હતા, ત્યારે મેં ક્યારેય સુરક્ષા વ્યવસ્થાની ચિંતા કરી નથી.આ પણ વાંચો- IPL 2022: ટીમ ઇન્ડિયાના દિગ્ગજ ક્રિકેટરે કહ્યું- ઉમરાન મલિકને જલ્દીથી ભારતની વાદળી જર્સી આપો

અબ્દુલ બેગ શ્રેષ્ઠ માણસ હતા

અબ્દુલ બેગના આકસ્મિક અવસાનથી MCAના ખજાનચી જગદીશ આચરેકરને પણ આંચકો લાગ્યો છે. તે એક અદ્ભુત વ્યક્તિ હતા, તેમણે કહ્યું. વાનખેડે સ્ટેડિયમમાં સુરક્ષા વ્યવસ્થાની મોટી જવાબદારી સ્વીકારવા છતાં તે ખુશખુશાલ હતા. તેઓ એમસીએ અને પોલીસની ખાનગી સુરક્ષા વચ્ચેની કડી હતા. એમસીએએ એક એવી વ્યક્તિ ગુમાવી છે જેણે ખૂબ જ જુસ્સાથી કામ કર્યું છે.
Published by: rakesh parmar
First published: April 18, 2022, 5:47 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading