Helicopter Taxi : આગ્રા-મથુરા વચ્ચે ચાલશે હેલિકોપ્ટર ટેક્સી, યુપી સરકારે તૈયાર કર્યો આ પ્લાન

News18 Gujarati
Updated: May 24, 2022, 1:15 PM IST
Helicopter Taxi : આગ્રા-મથુરા વચ્ચે ચાલશે હેલિકોપ્ટર ટેક્સી, યુપી સરકારે તૈયાર કર્યો આ પ્લાન
હેલિકોપ્ટર ટેક્સી સેવા ઉપરાંત, હેલિકોપ્ટર દ્વારા પ્રવાસન સ્થળોના એરિયલ વ્યૂ માટે જોય રાઇડ પણ કરાવી શકાશે.

ઉત્તર પ્રદેશ (UP Government)ની યોગી સરકારે મથુરા અને આગ્રા (Mathura-Agra)માં હેલીપોર્ટ (Heliport)ના નિર્માણ, સંચાલન અને જાળવણી માટે ટેન્ડરો આમંત્રિત કર્યા છે.

  • Share this:
Helicopter Taxi in Mathura-Agra: ઉત્તર પ્રદેશ સરકાર (UP Government) રાજ્યમાં પ્રવાસનને પ્રોત્સાહન આપવા માટે હેલિકોપ્ટર ટેક્સી (Helicopter Taxi) સેવા શરૂ કરી રહી છે. હેલિકોપ્ટર ટેક્સી સેવા દ્વારા ઉત્તર પ્રદેશના પ્રવાસન સ્થળોને એકબીજા સાથે જોડવામાં આવી રહ્યા છે. આ તબક્કામાં રાજ્ય સરકાર ટૂંક સમયમાં મથુરા અને આગ્રા વચ્ચે હેલી ટેક્સી શરૂ કરવા જઈ રહી છે. હેલિકોપ્ટર દ્વારા વિવિધ શહેરોની કનેક્ટિવિટી વધારવાના આશયથી શરૂ કરાયેલી આ યોજના ટૂંક સમયમાં શરૂ થશે.

માહિતી અનુસાર, હેલિકોપ્ટર ટેક્સી સેવા માટેના હેલિપોર્ટનું નિર્માણ અને સંચાલન PPP મોડ (Public-Private Partnership) પર કરવામાં આવશે. ઘણા પ્રવાસન સ્થળો પર હેલીપોર્ટ બનાવવામાં આવી રહ્યા છે. તે મથુરાના ગોવર્ધનમાં બનવાનું છે. આગ્રામાં હેલીપોર્ટના નિર્માણની તૈયારીઓ ચાલી રહી છે. ઉત્તર પ્રદેશની યોગી સરકારે મથુરા અને આગ્રામાં હેલીપોર્ટના નિર્માણ, સંચાલન અને જાળવણી માટે ટેન્ડરો આમંત્રિત કર્યા છે. સૌથી ઓછી બોલી લગાવનારને હેલિપેડના બાંધકામ ઉપરાંત ઓપરેશન અને મેઇન્ટેનન્સનું કામ આપવામાં આવશે.

રાજ્ય સરકારની સૂચના અનુસાર, પ્રી-બિડનું આયોજન 31 મેના રોજ લખનૌમાં પ્રવાસન વિભાગના કાર્યાલયમાં કરવામાં આવશે. આ પછી, લાયકાત માટે વિનંતી 23 જૂન સુધી કરી શકાય છે. લાયકાત માટેની વિનંતી વેબસાઇટ etender.up.nic.in પર ઑનલાઇન અરજી કરી શકાય છે.

આ પણ વાંચો- લૉન્ચ થતા જ આ Electric Carને મળ્યો જબરદસ્ત રિસ્પોન્સ, 4 મહિનાથી વધુનું વેઇટિંગ જોવા મળ્યું

આનંદની સવારી પણ
હેલિકોપ્ટર ટેક્સી સેવા ઉપરાંત, હેલિકોપ્ટર દ્વારા પ્રવાસન સ્થળોના એરિયલ વ્યૂ માટે જોય રાઇડ પણ કરી શકાય છે. પ્રવાસીઓ હેલિકોપ્ટર દ્વારા આગરા દર્શનમાં ઉપરથી તાજમહેલ, સિકંદરા કિલ્લો, ફતેહપુર સીકરી જેવા પર્યટન સ્થળો જોઈ શકશે. મથુરામાં તમે મથુરા, વૃંદાવન, ગોવર્ધન, બરસાના અને નંદગાંવનો એરિયલ વ્યૂ જોઈ શકશો.આ પણ વાંચો- ઈ-સ્કૂટરોમાં આગ લાગવાનું કારણ સામે આવ્યું, કંપનીઓની આ બેદરકારીએ જોખમમાં મૂક્યો ગ્રાહકોનો જીવ!

હેલિકોપ્ટર દ્વારા ગોવર્ધન પરિક્રમા
અગાઉ ગોવર્ધન પરિક્રમામાં પ્રવાસન વિભાગ હેલિકોપ્ટરનો ઉપયોગ કરી ચૂક્યું છે. જે પ્રવાસીઓ ચાલી શકતા ન હતા તેમણે હેલિકોપ્ટર દ્વારા પરિક્રમા કરી હતી. જણાવી દઈએ કે વર્ષ 2018માં મુખ્યમંત્રી યોગી આદિત્યનાથે રાજ્યમાં હેલિકોપ્ટર ટેક્સી સ્કીમ શરૂ કરી હતી. આ પહેલા તબક્કામાં ચાર જિલ્લા વારાણસી, પ્રયાગરાજ, મથુરા અને આગ્રાનો સમાવેશ કરવામાં આવ્યો છે.
Published by: Riya Upadhay
First published: May 24, 2022, 1:13 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading