નવી દિલ્હી : પાંચ ઓલિમ્પિક ગોલ્ડ મેડલ (Olympic Gold Medal)જીતનાર અમેરિકાની સ્વિમર કેટી લેડેકીનો (Katie Ledecky)એક વીડિયો હાલના દિવસોમા સોશિયલ મીડિયા પર વાયરલ (Viral Video)થઈ રહ્યો છે. આ વીડિયો જોઈને તમે પણ આશ્ચર્યચકિત થઈ જશો. વાયરલ વીડિયોમાં જોવા મળે છે કે કેટીના માથા પર દૂધનો ગ્લાસ રાખેલો છે અને ગજબ અંદાજમાં સ્વિમિંગ કરી રહી છે. આશ્ચર્યજનક એ છે કે સ્વિમિંગ દરમિયાન ગ્લાસમાંથી એકપણ ટીપું નીચે ઢોળાતું નથી.
સ્વિમિંગના આ અનોખા વીડિયોને હર્ષ ગોયન્કાએ પોતાના ટ્વિટર હેન્ડલથી શેર કર્યો છે. આ વીડિયોને શેર કરતા તે પણ ઘણા ચકિત થઈ ગયા હતા. આ વીડિયોને શેર કરતા તેમણે કેપ્શનમાં લખ્યું કે પાંચ વખતની ઓલિમ્પિક ગોલ્ડ મેડલ વિજેતા અમેરિકાની સ્વિમર કેટી લેડેકીને એક પડકાર આપવામાં આવ્યો હતો. જેમાં માથા પર એક ગ્લાસને સંતુલિત રાખીને ચોકલેટ દૂધનું એકપણ ટીપું ઢોળાયા વિના પૂલને પાર કરવાનો હતો. તમે પણ જોવો આ.
Five-time Olympics gold medal winning swimmer Katie Ledecky of the US was given a challenge- swim the length of the pool without spilling a drop of chocolate milk while balancing a glass on the head! pic.twitter.com/hE3q9LOUFp
વીડિયોમાં જોવા મળે છે કે કેટી સ્વિમિંગ પુલની એક બાજુએથી ચોકલેટ દૂધથી ભરેલા ગ્લાસને પોતાના માથા પર રાખે છે. માથા પર ગ્લાસ મુક્યા પછી તે સ્વિમિંગ કરવા લાગે છે. આ દરમિયાન તે પૂલના બીજા છેડા સુધી સ્વિમિંગ કરીને જાય છે પણ દૂધનું એકપણ ટીપું ઢોળાતું નથી. આ વીડિયો લોકોને ઘણો પ્રભાવિત કરી રહ્યો છે. સેકડો લોકો આ વીડિયો પર કોમેન્ટ કરી ચૂક્યા છે.
