નવી દિલ્હી. તમારે ઇન્સ્ટન્ટ લોન મેસેજ (Instant Loan Message)થી પરિચિત હોવું જોઈએ, જે લગભગ દરેકના ફોનમાં આવતા હોય છે. આજની પેઢીના દરેક વ્યક્તિને એક ચોક્કસ પ્રકારની જીવનશૈલી જાળવવા માટે લોન (Loan)ની જરૂર હોય છે અને તે વ્યક્તિને એવી લિંક્સ પર ક્લિક કરવાની લાલચ આપે છે. જે સંભવિત રીતે જોખમી હોય છે અને બાદમાં તેમનું બેંક ખાતું (Bank Account) ખાલી થયા પછી તેઓ તેના પર ગુસ્સો વ્યક્ત કરતા હોય છે.
આવી સ્થિતિમાં લોકોને છેતરપિંડી (Fraud) કરનારાઓથી બચાવવા માટે સ્ટેટ બેંક ઑફ ઈન્ડિયા (State Bank of india)એ ટિ્વટ કર્યું છે કે, તેમના બેંક એકાઉન્ટ ધારકોને તાત્કાલિક લોન આપવા માટે પૂછતી આવી કોઈ લિંક્સ પર ક્લિક ન કરવું જોઈએ. આ કપટપૂર્ણ ઓફર્સ પ્રક્રિયાને ઝડપી અને મુશ્કેલી વિના મુક્ત કરવાનું વચન આપે છે.
SBIએ તેના સત્તાવાર ટ્વિટર હેન્ડલ પરથી ટ્વિટ કર્યું છે કે, "કપટપૂર્ણ ઇન્સ્ટન્ટ લોન એપ્લિકેશન્સથી સાવચેત રહો! કૃપા કરીને અનધિકૃત લિંક્સ પર ક્લિક ન કરો અથવા SBI કે અન્ય કોઈ બેંક હોવાનો ઢોંગ કરતા કોઈ એકમને તમારી ડિટેલ્સ આપશો નહીં. તમારા બધા નાણાંકીય જરૂરિયાતો માટે https://bank.sbiની મુલાકાત લો.”
