NTPC Q4 Result : શેરધારકોને શેર દીઠ 3 રૂપિયાનું ફાઇનલ ડિવિડન્ડ મળશે, કંપનીનો નફો 12 ટકા વધ્યો

News18 Gujarati
Updated: May 21, 2022, 11:50 AM IST
NTPC Q4 Result : શેરધારકોને શેર દીઠ 3 રૂપિયાનું ફાઇનલ ડિવિડન્ડ મળશે, કંપનીનો નફો 12 ટકા વધ્યો
NTPC Shareholders will get the final dividend

NTPCએ માર્ચ ક્વાર્ટરમાં રૂ. 5,199 કરોડનો ચોખ્ખો નફો કર્યો છે. આ સિવાય કંપનીની આવક 23.12 ટકા વધીને 37,085 કરોડ રૂપિયા થઈ ગઈ છે. કંપનીએ નાણાકીય વર્ષ 2021-22માં રૂ. 16,676 કરોડનો નફો કર્યો છે.

  • Share this:
જાહેર ક્ષેત્રની કંપની નેશનલ થર્મલ પાવર કોર્પોરેશન (NTPC) એ નાણાકીય વર્ષ 2022 ના છેલ્લા ત્રિમાસિક ગાળામાં રૂ. 5,199 કરોડનો ચોખ્ખો નફો કર્યો છે. જે અગાઉના નાણાકીય વર્ષના સમાન સમયગાળામાં રૂ. 4,649 કરોડના નફા કરતાં 12 ટકા વધુ છે. ET અનુસાર, માર્ચ ક્વાર્ટર દરમિયાન કંપનીની કામગીરીમાંથી આવક રૂ. 30,102.6 કરોડથી 23.12 ટકા વધીને રૂ. 37,085 કરોડ થઈ છે.

ત્રિમાસિક ધોરણે કંપનીની કમાણીમાં 11 ટકાનો વધારો થયો છે. સમીક્ષા હેઠળના નાણાકીય વર્ષના ત્રીજા ક્વાર્ટરમાં કંપનીની આવક રૂ. 33,293 કરોડ હતી. કંપનીનો EBITDA વાર્ષિક ધોરણે રૂ. 7,773 કરોડથી વધીને રૂ. 11,425 કરોડ થયો છે. EBITDA માર્જિન 25.82 ટકાથી વધીને 30.81 ટકા થયું છે.

આ પણ વાંચો -CNG Price Hike : 6 દિવસમાં બીજી વખત CNGના ભાવ વધ્યાં, જાણો કયા શહેરોની કિંમતમાં થયો વધારો

નફામાં 14 ટકાનો વધારો


કંપનીએ નાણાકીય વર્ષ 2021-22માં રૂ. 16,676 કરોડનો નફો કર્યો છે. જે 2020-21ના રૂ. 14,635 કરોડના નફા કરતાં 14 ટકા વધુ છે. કંપનીએ આખા નાણાકીય વર્ષમાં રૂ. 1,32,669 કરોડની આવક મેળવી છે જે અગાઉના નાણાકીય વર્ષમાં રૂ. 1,11,531 કરોડ હતી.

NTPCના બોર્ડે છેલ્લા નાણાકીય વર્ષ માટે ઈક્વિટી શેર દીઠ રૂ. 3ના અંતિમ ડિવિડન્ડની ભલામણ કરી છે. અગાઉ, ફેબ્રુઆરી 2022 માં, કંપનીએ શેર દીઠ 4 રૂપિયાનું વચગાળાનું ડિવિડન્ડ આપ્યું હતું. શુક્રવારે કંપનીના શેર 1.6 ટકાના વધારા સાથે રૂ. 150ની નજીક બંધ થયા હતા. એક વર્ષમાં કંપનીના શેરમાં 33 ટકાનો વધારો થયો છે. બજાર વિશ્લેષકોએ NTPCના શેર પર ખરીદીની સલાહ આપી છે.આ પણ વાંચો -Public Provident Fund : દર મહિને 1000 રૂપિયાની બચત કરવા બદલ મળશે 18 લાખ, અહીં જાણો આખું ગણિત

માર્ચ 2022 ક્વાર્ટરમાં પાવર પ્લાન્ટ્સને કોલસાનો પુરવઠો વધીને 52.28 મિલિયન મેટ્રિક ટન થયો હતો જે એક વર્ષ અગાઉના સમાન સમયગાળા દરમિયાન 45.68 મિલિયન મેટ્રિક ટન હતો. પાવર પ્લાન્ટ્સને કોલસાનો પુરવઠો નાણાકીય વર્ષ 2020-21 દરમિયાન 170.24 મિલિયન મેટ્રિક ટનથી વધીને 195.63 મિલિયન મેટ્રિક ટન થઈ ગયો છે. નાણાકીય વર્ષ 2021-22માં કંપનીનો સરેરાશ પાવર ટેરિફ વધીને રૂ. 3.98 પ્રતિ યુનિટ થયો છે. અગાઉના નાણાકીય વર્ષમાં તે રૂ. 3.77 પ્રતિ યુનિટ હતો.
Published by: Bhavyata Gadkari
First published: May 21, 2022, 11:50 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading