Indian Army Recruitment 2022: ભારતીય સેનામાં 40 પદો પર નીકળી ભરતી, આ રીતે કરો અરજી
Updated: May 17, 2022, 6:48 AM IST
ઈન્ડિયન આર્મીમાં ભરતી
Indian Army Recruitment 2022: આ ભરતી પ્રક્રિયા અંતર્ગત ભારતીય સેનામાં 40 જેટલી ખાલી જગ્યાઓ પર ભરતી કરવા અંગેની જાહેરાત કરવામાં આવી છે. લાયકાત ધરાવતા ઈચ્છુક ઉમેદવારો પાસેથી અરજીઓ આંત્રિત કરવામાં આવી છે.
Indian Army Recruitment 2022: ભારતીય સેના (The Indian Army) દ્વારા ભરતી અંગેનુ નોટિફિકેશન બહાર પાડવામાં આવ્યું છે. આ ભરતી પ્રક્રિયા અંતર્ગત ભારતીય સેનામાં 40 જેટલી ખાલી જગ્યાઓ પર ભરતી કરવા અંગેની જાહેરાત કરવામાં આવી છે. લાયકાત ધરાવતા ઈચ્છુક ઉમેદવારો પાસેથી અરજીઓ આંત્રિત કરવામાં આવી છે. ભારતીય સેનાની ઓફિશિયલ વેબસાઇટ https://joinindianarmy.nic.in પર જાહેર કરાયેલ વિગતવાર સૂચના અનુસાર 136માં ટેકનિકલ ગ્રેજ્યુએટ કોર્સ (TGC-136) માટે અપરિણીત પુરૂષ એન્જિનિયરિંગ ગ્રેજ્યેટ્સ માટે અરજી પ્રક્રિયા હાલ શરૂ કરવામાં આવી છે.
નોટિફિકેશનમાં જણાવવામાં આવ્યું છે કે ભારતીય સેનામાં કાયમી કમિશન માટે દેહરાદૂનની ઈન્ડિયન મિલિટરી એકેડમી (Indian Military Academy, IMA)માં આગામી વર્ષે જાન્યુઆરીમાં કોર્સ શરૂ થશે.
02 જાન્યુઆરી, 1996 અને 01 જાન્યુઆરી, 2003 વચ્ચે જન્મેલા ઉમેદવારો અરજી કરી શકે છે.
Note: બંને તારીખોનો સમાવેશ ગણતરીમાં કરવામાં આવેલ છે.
Indian Army TGC Recruitment 2022: આ રીતે કરો અરજી
- www.joinindianarmy.nic.in પર વિઝિટ કરો.
- ‘Officer Entry Apply/Login’ પર ક્લિક કરો, હવે ‘Registration’ પર ક્લિક કરો www.joinindianarmy.nic.in રજીસ્ટ્રેશન કરેલ હોય તો ફરીથી રજીસ્ટ્રેશન કરવાનુ રહેશે નહી).
- તમામ સૂચનાઓ યોગ્ય રીતે વાંચીને ઓનલાઈન રજીસ્ટ્રેશન કરો.
- રજીસ્ટ્રેશન કર્યા પછી, ડેશબોર્ડ પર ‘Apply Online’ પર ક્લિક કરો.
- આટલું કર્યા બાદ ઓફિસર સિલેક્શનમાં ‘Eligibility’ નુ પેજ ઓપન થશે.
- હવે ટેક્નિકલ ગ્રેજ્યુએટની સામે દેખાતા ‘Apply’ બટન પર ક્લિક કરો. હવે અહીંયા એપ્લિકેશન ફોર્મ ખુલશે.
- જરૂરી સૂચનાઓ વાંચી અરજી કરવા માટે ‘Continue’ બટન પર ક્લિક કરો અને વિગતો ભરો.
- દરેક સેગમેન્ટ પર જતા પહેલા ‘Save & Continue’ ના ઓપ્શન પર ક્લિક કરો.
- છેલ્લા સેગ્મેન્ટમાં વિગતો ભર્યા પછી તમે ‘Summary of your information’ પેજ પર પહોંચશે, જ્યા તમે ભરેલી વિગતો તમે જોઈ શકશો.
- વિગતોની ચકાસણી કર્યા બાદ ‘Submit’ પર ક્લિક કરો.
ઉમેદવારોએ છેલ્લા દિવસે ઓનલાઈન અરજી બંધ થયાની 30 મિનિટ પછી, રોલ નંબર ધરાવતી તેમની અરજીની બે નકલો લેવાની રહેશે.
Indian Army Jobs 2022: અરજી કરવાની અંતિમ તારીખ
ઉમેદવારો જૂન 9, 2022 (3 વાગ્યા) સુધી અરજી કરી શકે છે.
