Bhaukaal 2 Review: લક્ષ્યથી ભટકી ગઈ છે 'ભૌકાલ' ની બીજી સીઝન

News18 Gujarati
Updated: January 26, 2022, 4:46 PM IST
Bhaukaal 2 Review: લક્ષ્યથી ભટકી ગઈ છે 'ભૌકાલ' ની બીજી સીઝન
ભૌકાલ 2 રીવ્યુ

Bhaukaal 2 Review : લોકડાઉન (Lockdown)ના સમયમાં રિલીઝ થયેલી કેટલીક વેબસીરીઝ એવી છે, જેના હવે બીજા ભાગ પણ રિલીઝ થવાના શરુ થઈ ગયા છે. એવી જ એક સિરીઝ છે 'ભૌકાલ' (Bhaukaal). જેનો બીજો ભાગ પણ રિલીઝ થઈ ગયો છે

  • Share this:
Bhaukaal 2 Review : જ્યારથી કોરોના વાયરસ (Corona Virus)ની એન્ટ્રી થઈ છે, ત્યારથી મનોરંજન (Entertainment) ક્ષેત્રે પણ ઘણા ફેરફાર આવ્યા છે. ઘણી ફિલ્મો હવે ઓનલાઇન પ્લેટફોર્મ પર રિલીઝ થઈ રહી છે, ત્યારે વેબ સીરીઝ (Web Series)જોવાનું પણ લોકો ખુબ પસંદ કરે છે. કોરોના વાયરસના સમયગાળામાં લોકો ઘરે બેઠા વિવિધ વેબસીરીઝ જોવાનું પસંદ કરે છે. લોકડાઉન (Lockdown)ના સમયમાં રિલીઝ થયેલી કેટલીક વેબસીરીઝ એવી છે, જેના હવે બીજા ભાગ પણ રિલીઝ થવાના શરુ થઈ ગયા છે. એવી જ એક સિરીઝ છે 'ભૌકાલ' (Bhaukaal). જેનો બીજો ભાગ પણ રિલીઝ થઈ ગયો છે. નવનીત સેકેરા (Navneet Sekera) ઉત્તર પ્રદેશ કેડરના 1996 બેચના IPS અધિકારી છે. તેમના જીવનના કેટલાક ભાગોથી પ્રભાવિત 'ભૌકાલ' સિરીઝ બનાવવામાં આવી છે. લેખક આશિષ મોહિમે, જય શીલા બંસલ અને જતીન વાગલેએ MX પ્લેયર (MX Player) માટે એક મહત્વકાંક્ષી 10 એપિસોડની આ વેબસીરીઝનું નિર્માણ કર્યું હતું. 'ભૌકાલ'ની પ્રથમ સિઝન વર્ષ 2020માં રિલીઝ થઈ હતી અને હવે તેની બીજી સિઝન રિલીઝ થઈ છે. 'ભૌકાલ'ની બીજી સિરીઝમાં પણ 10 એપિસોડ છે. જોકે, કહેવામાં આવી રહ્યું છે કે, 'ભૌકાલ'ની પ્રથમ સિઝન જેટલી અસરકારક હતી, જેટલી લોકોને પસંદ આવી હતી એટલી કમાલ આ બીજી સિઝન કરી શકી નથી. આ સાથે જ બીજી સીઝન પહેલા કરતા એટલી જ વધુ મૂંઝવણભરી જણાઈ રહી છે.

સીઝન 1ના ચાહકોને સીઝન 2માં ઓછી મજા આવશે

'ભૌકાલ'ની સ્ટોરીમાં આ વખતે પાત્રોનો જમાવડો કર્યો નથી, પણ પાત્ર કલાકારો એટલા બધા છે કે ક્યારેક તેમની ઉપયોગીતા સમજમાં આવતી નથી. સીઝન 2, નબળી હોવા છતાં, કેટલાક દ્રશ્યોમાં, ઉત્તર પ્રદેશના આંતરિક શહેરો અને ગામડાઓ વચ્ચે ચાલી રહેલા વર્ચસ્વના રમખાણોને ખુલ્લેઆમ ઉજાગર કરે છે. સીઝન 1ના ચાહકોને સીઝન 2માં ઓછી મજા આવશે. અહીં એ પણ મહત્વનું છે કે, પ્રથમ અને બીજી સિઝનના રિલીઝ વચ્ચે એટલો સમય પસાર થઈ ગયો છે કે લોકોએ ફરીથી સિઝન 1 જોવી પડી શકે છે. તેનું એક કારણ એ પણ છે કે ઉત્તર પ્રદેશના ક્રાઈમ વર્લ્ડ પર ઘણી વેબ સિરીઝ OTT પ્લેટફોર્મ પર આવી છે.

સીઝન 2 માં, પશ્ચિમી 'દેઢા' બ્રધર્સ એટલે કે ચિન્ટુ (સિદ્ધાર્થ કપૂર) અને પિન્ટુ (પ્રદીપ નાગર) નો નવીનનો મુકાબલો કરવાનો વારો છે

'ભૌકાલ'ની પ્રથમ સીઝનમાં એસએસપી નવીન શીખેરા (મોહિત રૈના) મુઝફ્ફરનગરના સૌથી કુખ્યાત ગેંગસ્ટર શૌકીન (અભિમન્યુ સિંહ)ના ગુનાના સામ્રાજ્યનો નાશ કરીને પૂર્વ વિસ્તારના લોકોના જીવનમાં શાંતિ લાવે છે. સીઝન 2 માં, પશ્ચિમી 'દેઢા' બ્રધર્સ એટલે કે ચિન્ટુ (સિદ્ધાર્થ કપૂર) અને પિન્ટુ (પ્રદીપ નાગર) નો નવીનનો મુકાબલો કરવાનો વારો છે, તેમને ખતમ કરવાનો અને પોલીસ પ્રશાસનની સામે ક્રૂરતાનું સામ્રાજ્ય બનાવવાનો વારો છે. આ માટે, તે દરેક કાવતરું કરવા તૈયાર છે, ગુંડાગીરી અને હત્યા કરવામાં નિષ્ફળ જતા નથી, નવીનના ડ્રાઇવરને પણ તેની બાજુમાં લઈ લે છે જેથી નવીન પર નજર રાખવામાં આવે અને તેને યોગ્ય સમયે ખતમ કરી શકાય. શૌકીનની બેવા નાઝ (બિદિતા બેગ), અને મુઝફ્ફરપુરના વાસ્તવિક બોસ અસલમ રાણા (મેજર બિક્રમજીત કંવરપાલ) પણ ડેઢા બ્રધર્સને મદદ કરે છે. લગભગ દસ એપિસોડ પસાર થયા પછી, ઈંટોના ભઠ્ઠા પર મારામારી પછી, નવીન પહેલા પિન્ટુને મારી નાખે છે અને પછી ચિન્ટુને દોડાવીને રસ્તા વચ્ચે ગોળી મારી દે છે અને સિઝનનો અંત લાવે છે.

દરેક એપિસોડમાં ભરપૂર અપશબ્દોનો ઉપયોગ કરવામાં આવ્યોદરેક એપિસોડમાં ભરપૂર અપશબ્દોનો ઉપયોગ કરવામાં આવ્યો છે. ઘણી વખત એવું લાગે છે કે ખલનાયક પ્રજાતિના લોકો ગાળો આપ્યા વિના ‘રામ રામ’ પણ કરતા નથી. સીઝન 2 દરેક રીતે નબળી છે. પ્રથમ સિઝનમાં અભિમન્યુ સિંહની જોરદાર એક્ટિંગ અને તેનો ડરપોક ચહેરો દર્શકોને પ્રભાવિત કરે છે. આ વખતે પ્રદીપ નાગર પાસેથી એ જ અપેક્ષા રાખવામાં આવી છે. પ્રદીપનો ચહેરો નફરત પેદા કરે છે પણ તેનાથી ડર લાગતો નથી. સિદ્ધાર્થ કપૂરનું કદ એવું નથી કે તેને વિલન માનવામાં આવે. તેનું પાત્ર કેઝ્યુઅલ છે. મોટા ગુના સામ્રાજ્ય માટે આ પ્રકારની વ્યક્તિ યોગ્ય નથી લાગતી. મોહિત રૈનાએ બંને સિઝનમાં સમાન અભિવ્યક્તિ રાખવાની હતી. કોઈપણ રીતે, તે અભિનય માટે નહીં, પરંતુ તેના દેખાવ અને કદ માટે જાણીતો છે. બીજી સીઝનમાં, મોહિતના ચહેરા પર કંટાળો દેખાય છે કારણ કે દરેક એપિસોડમાં તેનો રોલ એક સરખો હોય છે. દિવંગત અભિનેતા મેજર બિક્રમજીત કંવરપાલ સહિત કેટલાક વધુ પાત્રો છે. તેણે સારું કામ કર્યું અને નિર્માતાઓએ આ આખી સિઝન તેને સમર્પિત કરી છે. બિદિતા બેગને કામ ઓછું મળે છે અને તેની ભૂમિકાઓ પણ સમાન છે. તેની આંખોમાં સંમોહન છે અને તે વધુ સારી ભૂમિકાની શોધમાં છે.

આ પણ વાંચોRepublic day 2022 : 'એ મેરે વતન કે લોગો...' ગીત પાછળની કેટલીક રસપ્રદ વાતો, ...જ્યારે અસલ નકલ સાંભળીને લતાજી રડી પડ્યા હતા

લેખકોની મંડળી આશિષ, જય અને જતીને આ સિઝનમાં લખવામાં બહુ મહેનત કરી નથી. પ્રેક્ષકોને આઘાત લાગ્યો નથી, તેમના માટે કંઈ નવું નથી. મિર્ઝાપુર જોનારા દર્શકો હવે ઉત્તર પ્રદેશની ગુંડાગીરી અને બાહુબલી પ્રથાથી ખૂબ પરિચિત છે. ભૌકાલમાં ભૌકાલ જ સર્જાયો નથી. પોલીસ માટે ભૌકાલ બનવું જરૂરી હતું પરંતુ ગુનેગારોનો કેરેક્ટર ગ્રાફ ઘણો નબળો છે. વેબ સિરીઝમાં, પાછલી વાર્તા બતાવીને પાત્રનો હેતુ સમજાવી શકાય છે, પરંતુ ભૌકાલ 2 એવું કંઈ કરતું નથી જ્યારે બધું સીઝન 1 માં હતું. કદાચ તેથી જ આ સિઝનનો આટલો પ્રચાર કરવામાં આવી રહ્યો નથી. સિનેમેટોગ્રાફર સુમિત સમદ્દરનું કામ એવરેજ કહેવાશે. કેટલાક શોટમાં બજેટની તંગી છે, ખાસ કરીને ગામમાં ડેઢા બ્રધર્સ દ્વારા સરપંચની હત્યા તરફ નવીન શીખેરાની વિદાય (ક્લાઈમેક્સ). એડિટર ઉમેશ ગુપ્તાને લગભગ સૌથી સારા શોટ્સ લઈને નાખવા જેટલું કામ મળ્યું હશે. કારણ કે, વાર્તા સીધી લીટીમાં આગળ ચાલતી રહે છે. વાર્તા ઉતાર-ચઢાવ, ફ્લેશબેક, ફ્લેશ ફોરવર્ડ જેવા સિનેમેટિક સાધનોથી દૂર રહી છે. કુલ મળીને જોઈએ તો 'ભૌકાલ 1' કરતા 'ભૌકાલ 2' ઘણી નબળી છે. કારણ કે, 'ભૌકાલ'ની પ્રથમ સીઝન જોઈને ઈમ્પ્રેસ થયેલા લોકોને આ સીઝન નિરાશ કરે તો નવાઈ નહીં.
Published by: kiran mehta
First published: January 26, 2022, 4:46 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading