Confirm: રણબીર કપૂર થયો કોરોના સંક્રમિત, મમ્મી નીતૂ કપૂરે આપ્યા સમાચાર

News18 Gujarati
Updated: March 9, 2021, 1:39 PM IST
Confirm: રણબીર કપૂર થયો કોરોના સંક્રમિત, મમ્મી નીતૂ કપૂરે આપ્યા સમાચાર
રણબીર કપૂર હાલમાં ઘરે જ ક્વૉરન્ટીન છે અને તેની સારવાર ચાલી રહી છે. (તસવીર સાભાર- નીતૂ કપૂર, ઇન્સ્ટાગ્રામ)

નીતૂ કપૂરે કહ્યું, રણબીર કોરોના પોઝિટિવ થઈ ગયો છે, તે હાલ મેડિકેશન પર છે અને સાજો થઈ રહ્યો છે

  • Share this:
મુંબઈ. બોલિવૂડ (Bollywood) એક્ટર રણબીર કપૂર (Ranbir Kapoor) કોરોના પોઝિટિવ (Covid Positive) થઈ ગયો છે. આ વાતની જાણકારી તેની માતા નીતૂ કપૂર (Neetu Kapoor) એ ઇન્સ્ટાગ્રામ પર આપી છે. મૂળે, સતત એવા અહેવાલો વી રહ્યા હતા કે માતા નીતૂ બાદ રણબીર પણ કોરોના વાયરસ (Coronavirus)થી સંક્રમિત થઈ ગયો છે. જોકે એ વાતની પુષ્ટિ નહોતી થઈ હતી, પરંતુ હવે નીતૂ કપૂરે આ અહેવાલની પુષ્ટિ કરી દીધી છે. નીતૂએ ઇન્સ્ટાગ્રામ પોસ્ટમાં લખ્યું કે રણબીરને કોરોના થઈ ગયો છે અને તે હાલ દવાઓ લઈ રહ્યો છે.

નીતૂ કપૂરે પોતાની પોસ્ટમાં લખ્યું કે, આપ સૌની દુઆઓ અને ચિંતા કરવા માટે આભાર. રણબીર કોરોના પોઝિટિવ થઈ ગયો છે. તે હાલ મેડિકેશન પર છે અને સાજો થઈ રહ્યો છે. તે ઘરે જ ક્વૉરન્ટીન થઈ ગયો છે અને તમામ તકદારીઓ રાખવામાં આવી રહી છે.


આ પણ વાંચો, સંજના ગણેશન સાથે લગ્નની ચર્ચાઓ વચ્ચે વાયરલ થઈ રહ્યો છે જસપ્રીત બુમરાહનો VIDEO

રણબીરની બીમારીના અહેવાલો સામે આવ્યા બાદ તેના કાકા રણધીર કપૂર (Randhir Kapoor)એ એક ઇન્ટરવ્યૂમાં જણાવ્યું હતું કે, રણબીરની તબિયત ઠીક નથી, પરંતુ એ જાણવા નથી મળ્યું કે તેને કોરોના સંક્રમણ છે કે નહીં. રણધીર કપૂરે વધુમાં કહ્યું કે, હું હાલમાં શહેરથી બહાર છું.

રણબીરને કોરોના થયો હોવાની પુષ્ટિ થયા બાદ પ્રશંસકોની ચિંતા આલિયા ભટ્ટ (Alia Bhatt) અને અયાન મુખર્જી (Ayan Mukerji) માટે વધી ગઈ છે. કારણ કે હાલમાં જ આલિયા-અયાન બંનેને બ્રહ્માસ્ત્રના સેટ પર રણબીરની સાથે જોવા મળ્યા હતા, જ્યાં તેઓએ દેવી કાલીના આશીષ પણ લીધા હતા.

આ પણ વાંચો, લગ્નના બે વર્ષ બાદ 2 પાકિસ્તાની દુલ્હન વાઘા બોર્ડરથી ભારત પહોંચી, પરિજનો થયા ભાવુક

વર્ક ફ્રન્ટની વાત કરીએ તો રણબીર કપૂર અને આલિયા ભટ્ટ ફિલ્મ બ્રહ્માસ્ત્રમાં એક સાથે કામ કરતા જોવા મળશે. આ ફિલ્મમાં અમિતાભ બચ્ચન પણ અગત્યની ભૂમિકા નિભાવી રહ્યા છે. ફિલ્મનું નિર્દેશન અયાન મુખર્જી કરી રહ્યો છે અને તેને ત્રણ પાર્ટમાં બનાવવાની વાત કહેવામાં આવી રહી છે.
Published by: Mrunal Bhojak
First published: March 9, 2021, 1:26 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading