Video: ઈન્ટરનેટ પર વાયરલ થઈ રહી છે સૌથી મોંઘી મીઠાઈ, કિંમત દાણીને જ ભરાઈ જશે પેટ

News18 Gujarati
Updated: January 9, 2022, 6:49 PM IST
Video: ઈન્ટરનેટ પર વાયરલ થઈ રહી છે સૌથી મોંઘી મીઠાઈ, કિંમત દાણીને જ ભરાઈ જશે પેટ
આ મીઠાઈની કિેમતના કારણે સોશિયલ મીડિયા તેનો વીડિયો વાયરલ થઈ રહ્યો છે.

અત્યારે એક ગોલ્ડન સ્વીટનો (Most Precious Sweet) એક વીડિયો સોશિયલ મીડિયા (Social Media) પર વાયરલ થઈ (Viral Video Of Sweet) રહ્યો છે, જેને જોઈને તમને તરત જ ખાવાનું મન થશે. જોકે, મીઠાઈની કિંમત સાંભળતા જ તમારું મન ભરાઈ જશે.

  • Share this:
મીઠાઈ ખાવાનું કોને ન ગમે? પછી તે કોઈપણ તહેવારની સિઝન હોય કે ન હોય. મીઠાઈની માંગ હંમેશા રહે છે. આવી સ્થિતિમાં જો કોઈ મીઠાઈ એટલી મોંઘી હોય કે તેની કિંમત સાંભળીને જીભ કડવી થઈ જાય તો તેને શું કહેવાય? આવી જ કેટલીક મીઠાઈઓ હાલમાં સોશિયલ મીડિયા પર છવાયેલી છે. આ મીઠાઈ (most precious sweets in delhi)ની વિશેષતા માત્ર અને માત્ર તેની કિંમત છે. વાયરલ થઈ રહેલા આ વીડિયોમાં એક વ્યક્તિ મીઠાઈ બનાવતો જોઈ શકાય છે, જે એકદમ સ્વાદિષ્ટ લાગે છે. જો કે, આ મીઠાઈની સાથે તેની કિંમત પણ વિડીયો પર લખેલી છે, જે સાંભળીને ચોક્કસ તમારું મન ખાટું થઈ જશે.

મીઠાઈ હિટ, કિંમત સુપર હિટ

વાયરલ થઈ રહેલા વીડિયોમાં દુકાનદાર મીઠાઈઓ પર ચમકદાર સોનાનું વર્ક લગાવતો જોઈ શકાય છે. તે સ્વીટ પર એક પછી એક ગોલ્ડ વર્ક લગાવે છે અને પછી આ ગોલ્ડ પ્લેટેડ મીઠીના ટુકડા કરે છે. દરેક મીઠાઈ પર સોનાનું વર્ક લગાવ્યા પછી, તે તેના પર કેસરના કેટલાક ટુકડા મૂકે છે. મિઠાઈના પ્રેમીઓ તેની સુંદરતાથી મોહિત થઈ જાય છે, જેમને તેની કિંમત વિશે ખબર પડે છે કે તરત જ તેમની મીઠાઈ ખાવાની ઈચ્છા સમાપ્ત થઈ જાય છે. આ અદ્ભુત મીઠાઈની કિંમત 16 હજાર રૂપિયા પ્રતિ કિલો છે.





યુઝર્સે આપી જોરદાર પ્રતિક્રિયા

આ વીડિયો સોશિયલ મીડિયા સાઈટ ઈન્સ્ટાગ્રામ પર oye.foodieee નામના એકાઉન્ટ દ્વારા શેર કરવામાં આવ્યો છે. આ વીડિયોને 8 લાખ 43 હજારથી વધુ લાઈક્સ અને વ્યૂઝ મળ્યા છે. સોશિયલ મીડિયા પર લોકો આ કિંમતી મીઠાઈને જોઈને પોતાનો પ્રતિભાવ આપી રહ્યા છે. વિડિયો પર કોમેન્ટ કરતાં એક યુઝરે લખ્યું છે કે- બાય ધ વે, કિંમત ગમે તે હોય, સ્વીટ જોવામાં શાનદાર અને સ્વાદમાં મજેદાર હશે. તે જ સમયે, અન્ય એક યુઝરે લખ્યું - કિંમત સાંભળ્યા પછી, મોટાભાગના લોકો ગોળ ખાઈને સંતુષ્ટ થઈ જશે. અન્ય એક યુઝરે રમૂજી ટિપ્પણી કરી અને લખ્યું – તેને ખરીદવા માટે એક મહિનાનો પગાર લાગશે.
Published by: kuldipsinh barot
First published: January 9, 2022, 6:49 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading