સોશિયલ મીડિયા પર એક વીડિયો સામે આવ્યો છે, જેમાં એક યુવક અને યુવતી એક ગલુડિયાને તેના પગથી પકડીને હવામાં ઝૂલાવતા જોવા મળે છે. વીડિયો સામે આવ્યા બાદ યુઝર્સે યુવક અને યુવતીની આકરી ટીકા કરી છે. IAS ઓફિસરે આનો વીડિયો શેર કર્યો છે.
પ્રાણીઓ પ્રત્યે ક્રૂરતાના અનેક કિસ્સાઓ સામે આવ્યા છે. આ દરમિયાન, વધુ એક વીડિયો સોશિયલ મીડિયા પર વાયરલ થઈ રહ્યો છે. આમાં એક યુવક અને યુવતી એક નિર્દોષ ગલુડિયાને તેના પગથી પકડીને હવામાં ઝૂલાવતા જોવા મળે છે. વીડિયો સામે આવ્યા બાદ યુઝર્સે યુવક અને યુવતીની આકરી ટીકા કરી છે.
જણાવી દઈએ કે, આ વીડિયો IAS ઓફિસર અવનીશ શરણ દ્વારા ટ્વિટર પર શેર કરવામાં આવ્યો છે. વીડિયોની સાથે તેણે કેપ્શનમાં લખ્યું- જાનવર કોણ...? IASનો વીડિયો શેર કર્યા બાદ તેના પર કોમેન્ટ્સનો પૂર આવ્યો હતો. ગલુડિયા સાથે શરમજનક કૃત્ય કરવા બદલ લોકોએ યુવક અને યુવતીને ફટકાર લગાવી હતી.
IAS અવનીશ શરણ દ્વારા શેર કરવામાં આવેલા વીડિયોમાં જોઈ શકાય છે કે, કેવી રીતે યુવક અને યુવતી કૂતરાના પગને પકડીને હવામાં ફેરવી રહ્યાં છે. એક સમયે, તે ગલુડિયાને દિવાલ પર બેઠેલા વાંદરાઓ તરફ ફેંકવાનો પ્રયાસ કરે છે. બંને હાથમાં ગલુડિયા સાથે ઝપાઝપી કરતા પણ જોવા મળે છે. બંને મૂંગા પ્રાણી સાથે એવું વર્તન કરી રહ્યા છે, જાણે રમકડું હોય...
जानवर ये लडक़ी है,जिसको ये लड़के टशन मार रहे हैं। असली कुत्ते ये लोग हैं।
એક યુઝરે કહ્યું- મૂંગા પ્રાણી પ્રત્યે ક્રૂરતા, ખૂબ જ ખોટું. બીજાએ લખ્યું - મને લાગે છે કે જાનવર શબ્દ કોઈ પશું માટે વપરાયો નથી. આ શબ્દ એ પ્રાણી માટે વાપરી શકાય જેમના વર્તનમાં નૈતિકતા નથી.
ત્રીજા યુઝરે કહ્યું- આવું યુવક અને યુવતી સાથે પણ થવું જોઈએ. સાથે જ ઘણા લોકોએ એમ પણ કહ્યું કે, સમગ્ર મામલાની વાસ્તવિકતા સામે આવવી જોઈએ. વીડિયો ક્યારનો છે તેની પણ માહિતી હોવી જોઈએ.
