અમદાવાદ : સગીરા દુષ્કર્મ મામલો, આરોપીનું નામ સામે આવતા જ પરિવારને પડ્યો ધ્રાસકો


Updated: August 24, 2021, 11:07 PM IST
અમદાવાદ : સગીરા દુષ્કર્મ મામલો, આરોપીનું નામ સામે આવતા જ પરિવારને પડ્યો ધ્રાસકો
પ્રતિકાત્મક તસવીર (તસવીર - shutterstock)

સગીરા પર બળાત્કાર ગુજારવામા આવ્યો હતો. જેના કારણે સગીરા ગર્ભવતી થઇ હતી. ત્યારબાદ મૃત બાળકને જન્મ આપ્યો હતો. ત્યારબાદ અચાનક સગીરાએ પણ દમ તોડી દીધો હતો

  • Share this:
અમદાવાદ : ફરી એક વખત સગીરા સાથે દુષ્કર્મના બનાવમાં પોલીસ દરમિયાન ચોંકાવનારી હકીકતો સામે આવી છે. આરોપી બીજું કોઈ નહિ પરંતુ તેનો પિતરાઈ ભાઈ જ નીકળ્યો છે. જે તેના પાલતુ શ્વાનને સાચવવા માટે સગીરાને ઘરે બોલાવી દુષ્કર્મ આચરતો.

શહેરના ગોમતીપુર વિસ્તારમાં સગીરા પર બળાત્કાર ગુજારવામા આવ્યો હતો. જેના કારણે સગીરા ગર્ભવતી થઇ હતી. જોકે આ મામલે કોઇને જાણ કરી ન હતી. આ દરમિયાન સગીરાને દુઃખાવો થતા તેને હોસ્પિટલમાં લઇ જવામાં આવી હતી. જ્યાં તેની ડિલીવરી થઇ ગઇ હતી. જેમાં મૃત બાળકનો જન્મ થયો હતો. બીજી તરફ થોડા જ સમયમાં સગીરાનું પણ મોત નિપજ્યું હતું. આ મામલે ગોમતીપુર પોલીસે ફરિયાદ નોંધી તપાસ આદરી હતી. જેમાં બળાત્કારી પિતરાઇ ભાઇ જ નિકળ્યો હોવાનું સામે આવ્યું છે.

જ્યારે બન્ને ભાઇ-બહેનના પિતા નથી તેઓ માતા સાથે એકલા રહેતા હતા અને પિત્તરાઇ ભાઇ પાસે શ્વાન હોવાથી સગીરા તેને સાચવવા માટે જતી હતી. ત્યારે એકલતાનો લાભ લઇ બળાત્કાર ગુજાર્યો હોવાનું પોલીસ તપાસમાં ખુલ્યું છે. ગત અઠવાડિયે સગીરા પેટમાં અસહ્ય દુઃખાવો થતા તેને સારવાર માટે શારદાબહેન હોસ્પિટલમાં લઇ જવામાં આવી હતી. જ્યાં તે 9 મહિના ગર્ભવતી હોવાનું બહાર આવ્યું હતું. બાદમાં ડિલીવરી થઇ હતી અને મૃત બાળકને જન્મ આપ્યો હતો. ત્યારબાદ અચાનક સગીરાએ પણ દમ તોડી દીધો હતો.

હાલમાં પોલીસએ આરોપીની ધરપકડ કરીને વધુ કાર્યવાહી શરૂ કરી છે. મહત્વની વાત એ છે કે, નવ મહિના સુધી સગીરાની પ્રેગનન્સી અંગે કેમ કોઇને કંઇ જાણ ન થઇ તે મુદ્દે હજુ પોલીસ તપાસ કરી રહી છે.

આ પણ વાંચોસુરત : માસૂમ બાળક રમી રહ્યું હતું, કાર ચાલકે કચડી દેતા મોત, પુત્રને જોઈ પરિવારના હોશ ઉડી ગયા

ઉલ્લેખનીય છે કે, ભાઈ બહેનનો પવિત્ર તહેવાર રક્ષાબંધન ગયાને હજુ ગણતરીના જ કલાકો થયા છે, ત્યારે ભાઈ બહેનના સંબંધને કલંકીત કરતી ઘટનાનો ખુલાસો થતા ચકચાર મચી ગઈ છે. આ પહેલા પણ આ પ્રકારની અનેક ઘટનાઓ સામે આવી છે, જેમાં સંબંધો શર્મસાર થયા છે.
Published by: kiran mehta
First published: August 24, 2021, 10:14 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading