Vadodara: વિશ્વ વેટરનરી દિવસ, વડોદરા જિલ્લા પંચાયતની પશુપાલન શાખા દ્વારા પશું આરોગ્ય કેમ્પનું આયોજન કરાયું


Updated: April 29, 2022, 7:42 PM IST
Vadodara: વિશ્વ વેટરનરી દિવસ, વડોદરા જિલ્લા પંચાયતની પશુપાલન શાખા દ્વારા પશું આરોગ્ય કેમ્પનું આયોજન કરાયું
આ વર્ષે Strengthening veterinary resilience થીમ હેઠળ વિશ્વ વેટરનરી દિવસની ઉજવણી.

વર્લ્ડ વેટરનરી અસોસીએશન દ્વારા વર્ષ 2001થી સમગ્ર વિશ્વમાં એપ્રિલ મહિનાના છેલ્લા શનિવારને વર્લ્ડ વેટરનરી ડે તરીકે ઉજવવામાં આવે છે. વિશ્વ વેટરનરી દિવસની ઉજવણી માટે દર વર્ષ માટે એક થીમ પસંદ કરવામાં આવે છે.

  • Share this:
વડોદરા: વર્લ્ડ વેટરનરી અસોસીએશન (World Veterinary Association) દ્વારા વર્ષ 2001થી સમગ્ર વિશ્વમાં એપ્રિલ મહિનાના છેલ્લા શનિવારને વર્લ્ડ વેટરનરી ડે (વિશ્વ વેટરનરી દિવસ) તરીકે ઉજવવામાં આવે છે. વિશ્વ વેટરનરી દિવસની ઉજવણી માટે દર વર્ષ માટે એક થીમ પસંદ કરવામાં આવે છે. વિશ્વ વેટરનરી દિવસનો મુખ્ય હેતુ પશુ સ્વાસ્થ્ય (Animal Health) વિશે જાગૃતતા ફેલાવવાનો અને પ્રાણી ક્રુરતા નિવારણ માટે યોગ્ય પગલા લેવાનો છે. વિશ્વ વેટરનરી દિવસ જવાબદારી પૂર્વક પાલતુ પશુઓને ઉછેરવા અને પાલતુ પશુ પ્રત્યે સંવેદનશીલતાનો પણ સંદેશ આપે છે.

વિશ્વ વેટરનરી દિવસ - 2022 અંતર્ગત Strengthening veterinary resilience” થીમ પસંદ કરવામાં આવી

આ વર્ષે વિશ્વ વેટરનરી દિવસ - 2022 અંતર્ગત Strengthening veterinary resilience” થીમ પસંદ કરવામાં આવી છે. આ થીમ મુજબ પશુચિકિત્સા ડોક્ટર્સને ચિકિત્સા ક્ષેત્રે તમામ પ્રકારની મદદ અને સંસાધનો પૂરા પાડવા અને પશુચિકિત્સા ક્ષેત્રે ડોક્ટર્સ દ્રારા આપવામાં આવેલ યોગદાન બદલ તેમને સન્માનિત કરવામાં આવશે.ગુજરાત સરકાર પશુપક્ષીઓ સંભાળ માટે પ્રતિબદ્ધતા દર્શાવી રહી છે.

ખાસ કરીને કરુણા એમ્બયુલન્સની સેવા ઉપરાંત ગ્રામીણ વિસ્તારોમાં પ્રત્યેક 10 ગામ દીઠ એક ફરતા પશુ દવાખાના વેટનરી સેવામાં અસરકારક સાબિત થઈ રહ્યા છે. વડોદરા જિલ્લામાં આવા ફરતા પશુ દવાખાનાની સંખ્યા 17 છે. પશુપાલન શાખા, જિલ્લા પંચાયત વડોદરા દ્રારા વડોદરા જિલ્લામાં મોટા પશુઓ (ગાય, ભેંસ) ને વિના મુલ્યે ખરવાસા-મોવાસા રોગ વિરોધી રસી આપવાનો કાર્યક્રમ પણ આ સમયગાળા દરમ્યાન યોજવામાં આવ્યો છે.

આ પણ વાંચો: અમદાવાદમાં આગામી બે દિવસ Red Alert જાહેર, તાપમાન 45 ડિગ્રી સુધી પહોંચશે

જિલ્લા પંચાયત વડોદરા અંતર્ગત કાર્યરત 32 પશુ સારવાર સંસ્થાઓ દ્રારા 1,05,650 પશુઓને સારવાર કરાઈ.વડોદરા જિલ્લામાં ગત વર્ષ: 2021-22 દરમિયાન પશુપાલન શાખા, જિલ્લા પંચાયત વડોદરા અંતર્ગત કાર્યરત 32 પશુ સારવાર સંસ્થાઓ દ્રારા 1,05,650 પશુઓને સારવાર, 1247 પશુઓનું ખસીકરણ, 80,915 પશુઓનું રસીકરણ, 10,106 પશુઓને કૃત્રિમ બીજદાન, 208 ગ્રામ્ય કક્ષાએ યોજવામાં પશુ આરોગ્ય મેળામાં 41,683 પશુઓને સારવાર પૂરી પાડવામાં આવી છે.

આ પણ વાંચો:કચ્છના સૌથી મોટા હત્યાકાંડના આરોપીએ જેલવાસ દરમિયાન સ્નાતક, ડિપ્લોમા, અને 20 સર્ટિફિકેટ કોર્સ મેળવ્યા

રખડતા પશુઓ અને લાઇવ સ્ટોક પશુઓને પશુ આરોગ્ય મેળા અંતર્ગત નિ:શુલ્ક સારવાર અને રસીકરણનો કેમ્પ યોજવામાં આવ્યો.

વિશ્વ વેટરનરી દિવસ 2022 અને તેની થીમનો યોગ્ય અમલ કરવાના હેતુથી પશુપાલન શાખા, જિલ્લા પંચાયત વડોદરા અને વડોદરા વેટરનરી સોસાયટી દ્રારા વડોદરા જિલ્લા ખાતે આવેલ પાલતુ પશુઓ (શ્વાન, બિલાડી વિગેરે), રખડતા પશુઓ અને લાઇવ સ્ટોક પશુઓ (ગાય, ભેંસ, બકરી, ઘેંટા, વિગેરે) ને પશુ આરોગ્ય મેળા અંતર્ગત નિ:શુલ્ક સારવાર અને રસીકરણનો કેમ્પ યોજવામાં આવ્યો જે અંતર્ગત હડકવા રોગ વિરોધી રસીકરણ, કૃમિનાશક દવા, મેડીસીન કેસની વિના મુલ્યે સારવાર પશુ દવાખાના ભુતડીઝાંપા, વડોદરા ખાતે આવતીકાલ તા: 30-04-2022 (શનિવાર) ના રોજ સવારે 8:00 થી 12:00 કલાક દરમિયાન આયોજન કરવામાં આવ્યું છે.
Published by: kuldipsinh barot
First published: April 29, 2022, 7:42 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading