CAAના નિયમ-કાયદા બનાવવામાં વધુ વિલંબ થશે, ગૃહ મંત્રાલયે 6 મહિનાનો સમય માંગ્યો

News18 Gujarati
Updated: July 27, 2021, 2:24 PM IST
CAAના નિયમ-કાયદા બનાવવામાં વધુ વિલંબ થશે, ગૃહ મંત્રાલયે 6 મહિનાનો સમય માંગ્યો
ગૃહ મંત્રી અમિત શાહ (ફાઇલ તસવીર)

Citizenship Amendment Act Rules: ગૃહ મંત્રાલયે રાજ્યસભા અને લોકસભાની સમિતિઓ સમક્ષ 9 જાન્યુઆરી, 2022 સુધીનો સમય માંગ્યો છે

  • Share this:
નવી દિલ્હી. ગૃહ મંત્રાલય (Ministry of Home Affairs)એ નાગરિકતા સંશોધન કાયદા (Citizenship Amendment Act- CAA)ના નિયમ બનાવવા માટે વધુ 6 મહિનાનો સમય માંગ્યો છે. મંત્રાલયે મંગળવારે સંસદ (Parliament)ને આ વાતની જાણકારી આપી. મંત્રાલયે રાજ્યસભા (Rajya Sabha) અને લોકસભા (Lok Sabha)ની સમિતિઓ પાસે 9 જાન્યુઆરી, 2022 સુધીનો સમય માંગ્યો છે. CAA પાકિસ્તાન (Pakistan), બાંગ્લાદેશ (Bangladesh) અને અફઘાનિસ્તાન (Afghanistan)માં લઘુમતી અને ઉત્પીડનનો શિકાર બનેલા હિન્દુ, પારસી, શીખ, ખ્રિસ્તી, જૈન અને બૌદ્ધ ધર્મના લોકોને ભારતીય નાગરિકતા (Indian Citizenship) આપવાની મંજૂરી આપે છે.

કોંગ્રેસ સાંસદ ગૌરવ ગોગોઈએ પૂછ્યું હતું કે, CAAના નિયમોને અધિસુચિત કરવાની અંતિમ તારીખ નક્કી કરવામાં આવી છે કે નહીં. તેઓએ તારીખ નક્કી ન થઈ હોવાની સ્થિતિમાં મંત્રાલય પાસે તેનું કારણ પણ પૂછ્યું હતું. તેની પર ગૃહ રાજ્યમંત્રી નિત્યાનંદ રાયે કહ્યું કે CAAને 12 ડિસેમ્બર, 2019ના રોજ અધિસૂચિત કરવામાં આવ્યું હતું અને તે 10 જાન્યુઆરી, 2020ના રોજથી પ્રભાવમાં આવી ગયું હતું.

આ પણ વાંચો, AIQ Quota: મેડિકલ કોલેજોમાં OBC-EWS અનામતનો મુદ્દો જલ્દી ઉકેલો- PM મોદીએ આપ્યા નિર્દેશપોતાના જવાબમાં ગૃહ રાજ્યમંત્રી નિત્યાનંદ રાયે કહ્યું કે, નાગરિકતા સંશોધન કાયદો, 2019ના નિયમોને નક્કી કરવા માટે લોકસભા અને રાજ્યસભાની સમિતિઓ સમક્ષ 09.01.2022 સુધીનો સમય માંગવાની વિનંતી કરવામાં આવી છે. રાષ્ટ્રપતિ રામનાથ કોવિંદે આ કાયદા પર 12 ડિસેમ્બર, 2019ના રોજ સહમતિ વ્યક્ત કરી હતી. CAA સામે આવ્યા બાદ મોટાપાયે તેનો વિરોધ કરવામાં આવ્યો હતો. દેશની અનેક વિપક્ષી પાર્ટીઓ અને સમૂહોએ કાયદાને લાગુ કરવા સામે વિરોધ કર્યો હતો.

આ પણ વાંચો, Coronavirus: દેશમાં 132 દિવસ બાદ 30 હજારથી ઓછા કેસ નોંધાયા, 24 કલાકમાં 415 દર્દીનાં મોત

CAA કાયદા મુજબ, પાકિસ્તાન, બાંગ્લાદેશ અને અફઘાનિસ્તાનમાં ધાર્મિક ઉત્પીડનના કારણે ભારતમાં 31 ડિસેમ્બર, 2014 સુધી આવનારા હિન્દુ, પારસી, શીખ, ખ્રિસ્તી, જૈન અને બૌદ્ધ ધર્મના લોકોને ગેરકાયદેસર પ્રવાસી નહીં માનવામાં આવે. તેની સાથોસાથ તેમને કાયદાકિય જોગવાઈઓ હેઠળ ભારતની નાગરિકતા પ્રાપ્ત કરવામાં સરળતા રહેશે. જો આ દેશો અને આ સમુદાયના લોકોની પાસે માતા-પિતાના જન્મસ્થાનનું પ્રમાણ નથી તો ભારતમાં 6 વર્ષ રહ્યા બાદ નાગરિકતા માટે અરજી કરી શકે છે.
Published by: Mrunal Bhojak
First published: July 27, 2021, 2:02 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading