Maruti Suzukiએ 2022 Jimnyનું ટીઝર જાહેર કર્યું, જાણો તેના ફીચર્સ


Updated: October 19, 2021, 8:07 AM IST
Maruti Suzukiએ 2022 Jimnyનું ટીઝર જાહેર કર્યું, જાણો તેના ફીચર્સ
મારુતિ સુઝુકીની જિમ્ની કાર.

Maruti Suzuki Jimny teaser Released: સૂત્રો પરથી જાણવા મળ્યું છે, કે મારુતિ સુઝુકી કંપનીએ જિમ્ની SUV ને લોન્ચ કરવાની સંપૂર્ણ તૈયારી કરી લીધી છે.

  • Share this:
મુંબઈ: મારુતિ સુઝુકી (Maruti Suzuki)એ નેક્સાના સોશિયલ મીડિયા એકાઉન્ટ પર પોતાની આગામી કારનું એક ટીઝર જાહેર કર્યું છે. આ કારનું નામ જિમ્ની (Jimny) SUV છે. અનેક લોકો આ કારની ઘણા સમયથી રાહ જોઈ રહ્યા છે. કારને લઈ લોકોમાં અનેરો ઉત્સાહ છે. આ ટીઝરની ટેગલાઈન છે, ‘ધીસ જસ્ટ ઈન! એક વાઈલ્ડ સાહસિક સવારીને અનેક વિસ્તારોમાંથી પસાર થતા દેખાઈ છે! સવાલ એ છે, કે આ કઈ કાર છે?’ આ ટીઝરમાં જોવા મળે છે, કે ઓફ-રોડ/રણ વિસ્તાર (Desert area) પર કારના ટાયરોના નિશાન છે. આ નિશાન જોઈને કહી શકાય કે, આવનારી કાર જિમ્ની SUV જ છે. અત્યારે કાર કંપનીઓ SUV કાર પર વધુ ધ્યાન આપી રહી છે, ત્યારે મારુતિ સુઝુકી (Maruti Suzuki) દ્વારા આ કારના લોન્ચને મહત્ત્વનું માનવામાં આવે છે.

મારુતિ સુઝુકી કંપની હરિયાણાના માનેસરમાં પ્લાન્ટમાં SUVના 3-ડોર વર્જનનું ઉત્પાદન કરે છે. આ SUV ની 3-ડોર વર્ઝનની વૈશ્વિક બજારમાં નિકાસ કરવામાં આવે છે. અત્યારે ભારતમાં જિમ્નીની લાંબી 5-ડોર એડિશન આવી શકે છે. જે તાજેતરમાં જ ડેવલપ કરવામાં આવી છે.

મહિન્દ્રા ભારતમાં પોતાની નવી જનરેશનની થાર SUV અને ગોરખાને પહેલેથી જ લોન્ચ કરવામાં આવી છે. સૂત્રો પરથી જાણવા મળ્યું છે, કે મારુતિ સુઝુકી કંપનીએ જિમ્ની SUV ને લોન્ચ કરવાની સંપૂર્ણ તૈયારી કરી લીધી છે. આ ગાડી બંને હાર્ડકોર ઓફ-રોડર્સને સીધી ટક્કર આપશે. મારુતિ સુઝુકીની નવી કાર જિમ્નીના નવા ઈન્ડિયા-સ્પેક 5-ડોર LWB એડિશનનું 2022માં ભારતમાં વેચાણ કરવામાં આવે તેવી શક્યતા છે.








View this post on Instagram






A post shared by NEXA (@nexaexperience)






ઈન્ટરનેશનલ સ્પેક જિમ્નીમાં માઈલ્ડ હાઈબ્રિડ ટર્બોચાર્જ્ડ પેટ્રોલ એન્જિનની ક્ષમતા 1.4 લીટર છે. ભારતમાં આવનારી કારમાં 1.5 લીટર K15B પેટ્રોલનો ઉપયોગ કરી શકે છે. કંપનીની સિયાજ, વિટારા બ્રેજા, અર્ટિગા, એક્સએલ 6 જેવી અનેક કારમાં આ એન્જિન જોવા મળે છે.

આ પણ વાંચો: ટાટા મોટર્સે માઇક્રો SUV Tata Punchની કિંમતનો કર્યો ખુલાસો, Magnite અને Kigerને આપશે સીધી ટક્કર

કારમાં રહેલા એન્જિનનો વધુમાં વધુ પાવર 6000 RPM પર 103 BHP છે. આટલું જ નહીં, પરંતુ કારમાં એન્જિનને 4400 RPM પર 138 NM પીક ટોર્કનું ઉત્પાદન કરવા માટે ટ્યુન કરવામાં આવ્યું છે. કારના એન્જિનમાં 5 સ્પીડ મેન્યુઅલ ગીયરબોક્સ હશે. ઓપ્શનલ 4-સ્પીડ ઓટોમેટીક ટોર્ક કન્વર્ટર ટ્રાન્સમિશન પણ મળી શેકે છે.
First published: October 19, 2021, 8:07 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading